Pestgada d'Aarau


Sparta:
Praticas socialas
  • Expressiuns oralas
Chantun:

Descripziun

La pestgada - la «Bachfischet» - d'Aarau, è tenor la mastergnanza da Wirri ad Aarau l'usit il pli vegl da la Svizra ch'è vegnì pratitgà cuntinuadamain. En il protocol dal Cussegl dad Aarau dals 3 da settember 1526 vegn il nettegiament da l'aual menziunà per l'emprima giada en scrit. Per tschientaners è l'aual da citad stà in'avaina da vita impurtanta (aua da baiver, da diever e da stizzar). Perquai èsi stà indispensabel da nettegiar el da merda e da sablun. Ozendi ha la pestgada lieu mintgamai il settember. Observond la lunga tradiziun dura la rumida da l'aual circa 4 dis. Terminada vegn ella il penultim venderdi avant las vacanzas d'atun cun in cortegi dals uffants da scola che portan ils lampiuns ch'els han fatg sezs tras la citad veglia dad Aarau stgira. Quest exodus per beneventar l'aual da citad è documentà dapi il 19avel tschientaner. Durant il cortegi chantan ils uffants la chanzun da la pestgada. Alura survegnan els insatge da mangiar e da baiver. In fieu artifizial è il punct culminant da la festa che vegn terminada uffizialmain cun in schlop final tradiziunal, cun l'uschenumnà «Mordschlapf».

La noziun da la pestgada, pia dal «Bachfischet», ha sias ragischs en il fatg che tut ils peschs da l'aual pudevan vegnir tschiffads avant che cumenzar cun il nettegiament. La giuventetgna giugava en l'aual e squittava cun aua. Er ozendi dovran ils uffants l'aual per sa divertir e l'occupan sco lur plazza da giugar natirala e divertenta. Bleras istorgias e blers eveniments tractan da l'aual. Quai mussa la gronda impurtanza che l'aual che curra tras la citad dad Aarau ha per la populaziun.

Gallaria d'illustraziuns

  • Cun lur bartgas pussibiliteschan ils pontoniers ad uffants ed a giuvenils impedids da sa participar activamain a quest usit vegl © Adolf Fäs, Aarau 2009
  • Ils tamburs da la musica da cadettas e da cadets mainan il cortegi © Bernhard Aellen, Aarau 2009
  • Il motiv da rauna da quels lampiuns po esser in renviament a la chanzun da la «Pestgada» © Roger Gryzlak, Aarau 2009
  • Sco tar la tradiziun viva da laschar nudar glischs metta la populaziun dad Aarau glischs e bartgettas da fieu en l'aual da citad © Roger Gryzlak, Aarau 2009
  • Ils bels lampiuns vi da pertgas da nitscholer procuran per in'atmosfera incredibla : questa tradiziun daventa in'ovra cumplessiva © Roger Gryzlak, Aarau 2009
  • Il cortegi da la «Pestgada» è gia adina stà ina «fulla selvadia» e renunzia perquai a furmaziuns u a successiuns prescrittas © Roger Gryzlak, Aarau 2009
  • Cun lur bartgas pussibiliteschan ils pontoniers ad uffants ed a giuvenils impedids da sa participar activamain a quest usit vegl © Adolf Fäs, Aarau 2009
  • Ils tamburs da la musica da cadettas e da cadets mainan il cortegi. Lur represchentaziun acustica vegn er accumpagnada dal chant dals uffants © Bernhard Aellen, Aarau 2009
  • Il motiv da rauna da quels lampiuns po esser in renviament a la chanzun da la «Pestgada»: «Fürio, de Bach brönnt, d’Suhrer händ ne azündt, d’ Aarauer händ ne glösche, d’Chüttiger, d’Chüttiger rite-n-uf de Frösche» © Roger Gryzlak, Aarau 2009
  • Sco tar la tradiziun viva da laschar nudar glischs metta la populaziun dad Aarau glischs e bartgettas da fieu en l'aual da citad © Roger Gryzlak, Aarau 2009
  • Ils bels lampiuns vi da pertgas da nitscholer procuran per in'atmosfera incredibla e fan – ensemen cun la chanzun da la «Pestgada» che questa tradiziun daventa in'ovra cumplessiva © Roger Gryzlak, Aarau 2009
  • Il cortegi da la «Pestgada» è gia adina stà ina «fulla selvadia» e renunzia perquai a furmaziuns u a successiuns prescrittas. Correspundentamain al moto «Cun il tempo da l'emprima unda» van ils giuvenils cun gronds pass tras la citad veglia. Er il sbragir dad aut ils vers è ina part da questa genuinitad © Roger Gryzlak, Aarau 2009

Documents da video

Il film mussa la «Pestgada» da l'onn 2011 e l'istorgia da quest usit © Mastergnanza da Heinerich Wirri, Aarau 2011

Referenzas e dossier

Publicaziuns
  • Interview mit Urs Bänziger, Bachfischet-Obmann der Heinerich Wirri-Zunft vom 27. Juli 2011. Dokumentation im Aargauer Kuratorium

  • Franz Xaver Bronner: Der Kanton Aargau historisch, geographisch, statistisch geschildert. Beschreibung aller in demselben befindlichen Berge, Seen, Flüsse, Heilquellen, Städte, Flecken, Dörfer und Weiler, so wie der Schlösser, Burgen und Klöster. Nebst Anweisung, denselben auf die genussreichste und nützlichste Weise zu bereisen. Ein Hand- und Hausbuch für Kantonsbürger und Reisende. St. Gallen, 1844

  • Andreas Dietsch: Der Aarauer Bachfischet. Humoristisch dargestellt. Aarau, 1841 (älteste Beschreibung des aktuellen Bachfischet)

  • Hermann Rauber: «Fürio, de Bach brönnt». Der Aarauer Bachfischet. Aarau, 2000

  • Eduard Hoffmann-Krayer: Feste und Bräuche des Schweizervolkes. Zürich, 1940

Dossier
  • Aarauer Bachfischet

    Ausführliche Beschreibung Ultima modificaziun: 01.09.2012
    Dimensiun: 214 kb
    Tip: PDF