Vogel Gryff


Sparta:
Arts figurativs
  • Praticas socialas
Chantun:

Descripziun

Il «Vogel Gryff» è l'occurrenza la pli impurtanta en il quartier da Kleinbasel e cumenza cun il gir da l'um selvadi sin ina puntera giu per il Rain. Tamburs sin la puntera sunan il marsch «Rhy Ab» e chanuniers sajettan culps da murters. Il «Vogel Gryff» ed il liun beneventan l'um selvadi a la riva. Cuminaivlamain passan e sautan els tras Kleinbasel, accumpagnads da numerus aspectaturs da la citad e dals conturns. Ils pass dals sauts emprendan ils mascrads da lur antecessurs, e quai senza instrucziuns en scrit. Las notas dals marschs tradiziunals dals tamburs èn percunter transmessas e vegnan preschentadas mintga onn senza midadas. Ultra dal tschaiver è il «Vogel Gryff» l'occurrenza la pli impurtanta da la citad da Basilea che resplenda sur ils cunfins da la citad.

Gallaria d'illustraziuns

  • A las 10.30 sa metta l'um selvadi sin via cun sia puntera giu per il Rain © Erwin Hensch, 2010
  • La puntera sa ferma a la riva sin l'autezza da la caserna sut la punt d'amez sur il Rain © Erwin Hensch, 2010
  • Sin la punt d'amez sur il Rain sautan las trais figuras d'onur per la populaziun adina cun il dies vers Grossbasel © Erwin Hensch, 2010
  • Las trais figuras d'onur èn ils animals da vopna da las trais societads d'onur da Kleinbasel © Erwin Hensch, 2010
  • Il «Vogel Gryff» fa la reverenza als aspectaturs © Erwin Hensch, 2010
  • Il liun sauta e siglia plain forza tenor il caracter dal liun © Erwin Hensch, 2010
  • L'um selvadi armà cun ses bostg sto adina puspè stgatschar uffants e giuvens ch'emprovan d'engular la maila da ses cranz da fegliadella © Erwin Hensch, 2010
  • Ils quatter Uelis curran l'entir di cun lur stgatla da collecta en il cortegi e rimnan daners per persunas basegnusas da Kleinbasel © Erwin Hensch, 2010
  • A las 10.30 sa metta l'um selvadi sin via cun sia puntera giu per il Rain © Erwin Hensch, 2010
  • La puntera sa ferma a la riva sin l'autezza da la caserna sut la punt d'amez sur il Rain © Erwin Hensch, 2010
  • Sin la punt d'amez sur il Rain sautan las trais figuras d'onur per la populaziun adina cun il dies vers Grossbasel © Erwin Hensch, 2010
  • Las trais figuras d'onur èn ils animals da vopna da las trais societads d'onur da Kleinbasel © Erwin Hensch, 2010
  • Il «Vogel Gryff» fa la reverenza als aspectaturs © Erwin Hensch, 2010
  • Il liun sauta e siglia plain forza tenor il caracter dal liun © Erwin Hensch, 2010
  • L'um selvadi armà cun ses bostg sto adina puspè stgatschar uffants e giuvens ch'emprovan d'engular la maila da ses cranz da fegliadella © Erwin Hensch, 2010
  • Ils quatter Uelis curran l'entir di cun lur stgatla da collecta en il cortegi e rimnan daners per persunas basegnusas da Kleinbasel © Erwin Hensch, 2010

Referenzas e dossier

Publicaziuns
  • Franz Egger: Zünfte und Gesellschaften in Basel. Basel, 2005

  • Eduard Fritz Knuchel: Die Umzüge der Klein-Basler Ehrenzeichen. Ihr Ursprung und ihre Bedeutung. Basel, 1914

  • Eugen A. Meier: Vogel Gryff. Geschichte und Brauchtum der Drei Ehrengesellschaften Kleinbasels. Basel, 1986

Dossier
  • Vogel Gryff

    Ausführliche Beschreibung Ultima modificaziun: 05.09.2012
    Dimensiun: 269 kb
    Tip: PDF