Processiuns da l’Emna sontga a Mendrisio


Sparta:
Praticas socialas
  • Arts figurativs
Chantun:

Descripziun

Las processiuns da l’Emna sontga, ch’èn documentadas dapi la segunda mesadad dal 17avel tschientaner, giran la saira da la Gievgia sontga e dal Venderdi sontg tras la citad veglia da Mendrisio. Per questa chaschun vegn stizzada l’illuminaziun da las vias ed en las giassas sa derasa la glisch miaivla dals «trasparenti»: i sa tracta da gronds maletgs glischants che vegnan dissegnads sin tailas transparentas, montadas sin roms da lain ed illuminads da l’intern. Els han furmas e dimensiuns fitg diversas e vegnan montads lung la ruta da la processiun sur las giassas vi. Sin ils «trasparenti» èn represchentadas scenas da l’Evangeli u dal Vegl Testament. La saira da la Gievgia sontga preschentan var 270 acturs laics la Passiun da Cristus en ina seria da scenas che sa basan sin l’Evangeli. A questas represchentaziuns sa participeschan chavaltgaders, schuldads romans e figuras biblicas en costums pompus. Ina caracteristica da quest defilé da scenas è ch’i mancan dialogs discurrids tranter las figuras che s’expriman unicamain cun posituras e gests silenzius.

La processiun dal Venderdi sontg è modesta e solenna ed è caracterisada pli fitg da la spiritualitad. A questa processiun sa participeschan passa 600 commembers da differentas confraternitads e d’associaziuns ecclesiasticas. Ils purtaders passan tras las vias cun ils purtrets da la bara da Cristus e da Nossadunna da las dolurs, davant ils quals il public è envidà da s’enclinar. Trais societads da musica accumpognan la processiun, sunond marschs funebers impressiunants. Al cumenzament ed a la fin da la processiun chavaltgeschan ils tamburs da l’avantguardia. Avant las processiuns da l’Emna sontga ha lieu il «settenari», ina ceremonia religiusa ch’è deditgada a las set dolurs da Maria.

Gallaria d'illustraziuns

  • Venderdi sontg: ils purtaders dal purtret da la bara da Cristus © Adriano Heitmann
  • «Settenari» en onur da Nossadunna da las dolurs en la baselgia da son Gion Battista © Adriano Heitmann
  • Gievgia sontga: Ils commembers dal Cussegl pretendan che Jesus vegnia sentenzià © Adriano Heitmann
  • Gievgia sontga: Il retg Herodes a chaval © Adriano Heitmann
  • Gievgia sontga: In schuldà roman cun la standarta naira cun l'inscripziun «Crucifige Eum» © Adriano Heitmann
  • Gievgia sontga: In schuldà roman © Adriano Heitmann
  • Gievgia sontga: Jesus cun la crusch © Adriano Heitmann
  • Gievgia sontga: Jesus croda sut la paisa da la crusch © Adriano Heitmann
  • Gievgia sontga: Gisep d'Arimatea, in commember dal Cussegl, metta a disposiziun sia fossa per la sepultura da Jesus © Adriano Heitmann
  • Venderdi sontg: Uffants cun «transparents» © Adriano Heitmann
  • Venderdi sontg: Uffants cun «transparents» © Adriano Heitmann
  • Venderdi sontg: Uffants cun «transparents» © Adriano Heitmann
  • Venderdi sontg: Purtret da Nossadunna da las dolurs; davosvart in tripticon, in grond transparent, ch'è pendì sur la ruta da la processiun vi © Adriano Heitmann
  • Venderdi sontg: Confrars cun objects e cun «transparents» da la Passiun © Adriano Heitmann
  • Venderdi sontg: ils purtaders dal purtret da la bara da Cristus © Adriano Heitmann
  • «Settenari» en onur da Nossadunna da las dolurs en la baselgia da son Gion Battista © Adriano Heitmann
  • Gievgia sontga: Ils commembers dal Cussegl pretendan che Jesus vegnia sentenzià © Adriano Heitmann
  • Gievgia sontga: Il retg Herodes a chaval © Adriano Heitmann
  • Gievgia sontga: In schuldà roman cun la standarta naira cun l'inscripziun «Crucifige Eum» © Adriano Heitmann
  • Gievgia sontga: In schuldà roman © Adriano Heitmann
  • Gievgia sontga: Jesus cun la crusch © Adriano Heitmann
  • Gievgia sontga: Jesus croda sut la paisa da la crusch © Adriano Heitmann
  • Gievgia sontga: Gisep d'Arimatea, in commember dal Cussegl, metta a disposiziun sia fossa per la sepultura da Jesus © Adriano Heitmann
  • Venderdi sontg: Uffants cun «transparents» © Adriano Heitmann
  • Venderdi sontg: Uffants cun «transparents» © Adriano Heitmann
  • Venderdi sontg: Uffants cun «transparents» © Adriano Heitmann
  • Venderdi sontg: Purtret da Nossadunna da las dolurs; davosvart in tripticon, in grond transparent, ch'è pendì sur la ruta da la processiun vi © Adriano Heitmann
  • Venderdi sontg: Confrars cun objects e cun «transparents» da la Passiun © Adriano Heitmann

Documents da video

Processiun da Gievgia sontga, Mendrisio 2011 © Feliciano Bernasconi et al., 2011

Processiun da Venderdi sontg, Mendrisio 2011 © Feliciano Bernasconi et al., 2011

Referenzas e dossier

Publicaziuns
  • Giorgio Lazzeri, Renzo Petraglio: I trasparenti di Mendrisio. Storia dei quadri notturni della passione. Bellinzona, 1995

  • Giorgio Lazzeri, Mario e Flavio Medici, Alberto Nessi, Amleto Pedroli: Le processioni storiche di Mendrisio. Locarno, 1998

  • Interviste (a cura di Alessandra Bobbià): Giovanni Poma (13.07.2011, 18.07.2011), Rodolfo Bernasconi (09.07.2011, 13.07.2011). Centro di dialettologia e di etnografia. Bellinzona

  • Mario Medici: Le processioni della Settimana Santa a Mendrisio. Mendrisio, 1946

  • Mario Medici: Sagre del Mendrisiotto. Mendrisio, 1967

  • Mario Medici: Storia di Mendrisio. Mendrisio, 1980

  • Carlo Solcà, Gian Paolo Minelli: La manifestazione sacra di Coldrerio. Coldrerio, 1995

Dossier