Troccas


Sparta:
Praticas socialas
Chantun:

Descripziun

Troccas è in gieu da chartas enconuschent ch'è derasà oravant tut en Surselva. Las chartas da troccas che portan inscripziuns franzosas èn probablamain vegnidas importadas en Grischun da mercenaris il 17avel tschientaner. Il gieu ha 78 chartas en quatter colurs: rosas, cuppas, spadas e bastuns. Mintga colur cumpiglia 14 chartas, 10 cifras e 4 chartas cun figuras (retg, regina, chaval, buob). Vitiers vegnan ulteriuras 21 chartas che vegnan numnadas las troccas plus in nar sco joker.

En general dattan ins il gieu da troccas en quatter, mintgamai dus cunter dus. Ultra da quai datti variantas da dar troccas en trais fin en sis. La lingua dal gieu è exclusivamain il sursilvan. Ina particularitad dal dar troccas è quella dal «tschintschar», vul dir dal discurrer en ina lingua secreta tradiziunala. En mintga runda infurmeschan ils congiugaders lur partenaris cun agid da noziuns rumantschas codifitgadas davart lur atgnas chartas ed emprovan da manar en errur lur adversaris. Regularmain han lieu turniers e dapi l'onn perfin 2006 campiunadis uffizials grischuns da troccas, organisads d'uniuns localas u da l'Uniun grischuna da troccas.

Gallaria d'illustraziuns

  • Ils giugaders da troccas sa scuntran savens en restaurants © Silvia Conzett, 2011
  • Ils partenaris s'infurmeschan cun noziuns rumantschas codifitgadas davart lur chartas © Bruno Paganini
  • Las 21 troccas èn "trumf" © Silvia Conzett, 2011
  • Vopnas dals «tarocchieri» a Cuira © Bruno Paganini
  • Las reglas da gieu dals «tarocchieri» © Bruno Paganini
  • Ils giugaders da troccas sa scuntran savens en restaurants © Silvia Conzett, 2011
  • Ils partenaris s'infurmeschan cun noziuns rumantschas codifitgadas davart lur chartas © Bruno Paganini
  • Las 21 troccas èn "trumf" © Silvia Conzett, 2011
  • Vopnas dals «tarocchieri» a Cuira © Bruno Paganini
  • Las reglas da gieu dals «tarocchieri» © Bruno Paganini

Documents da video

Campiunadi grischun da troccas a Rabius © RTR, 2006

Concurrenza da troccas tranter Grischuns e Vallesans a Mustér © RTR, 2006

Referenzas e dossier

Publicaziuns
  • Carla Deplazes: Troccas. Das Tarockspiel in Graubünden. In: Schweizerisches Archiv für Volkskunde vol. 83. Basel, 1987, p. 41-59

  • Gion Tumasch Muoth: Stecken, Schwerter, Kelche und Rosen. In: Terra Grischuna no. 6. Chur, 1988

  • Sturzenegger Stiftung (Ed.): Das Tarockspiel in der Schweiz (Schweizer Spielkarten 2). Schaffhausen, 2004

  • Tarock: In: Atlas der schweizerischen Volkskunde. Basel, 1950-1995

Dossier
  • Troccas

    descripziun detagliada Ultima modificaziun: 23.08.2012
    Dimensiun: 200 kb
    Tip: PDF