Industria da saida da Turitg


Sparta:
Artisanat tradiziunal
Chantun:

Descripziun

L'industria da textilias è fitg impurtanta en l'istorgia dal chantun Turitg. Ina impurtanza speziala ha l'industria da saida da Turitg. Ella è documentada gia per il 14avel tschientaner ed ha fatg il 17avel tschientaner in emprim grond progress. Il 19avel tschientaner èn vegnidas construidas sin la champagna, cunzunt a la riva sanestra dal Lai da Turitg, pliras fabricas da saida. Da l'onn 1840 fin l'onn 1900 è l'industria da saida stada l'industria elavuranta la pli impurtanta dal chantun Turitg. Ils onns 1850 e 1860 è Turitg sa sviluppà al segund grond producent da taila da saida da l'entir mund. Il taft nair sco er ils satgets da taila per crivlar farina eran da renum mundial. Suenter l'onn 1930 ha l'industria da textilias pers adina pli fitg sia impurtanza. Bleras firmas da l'industria da saida han serrà lur manaschis. L'onn 2011 eran las duas firmas da Turitg Gessner SA e Weisbrod-Zürrer SA las duas ultimas tessarias da saida da la Svizra. Pauc suenter, dal 2011 respectivamain dal 2016 han er ellas stuì transferir lur producziun a l’ester. L'industria da saida ha anc adina in’influenza indirecta tras edifizis existents e tras interpresas sco bancas, societads d'immobiglias e fabricas da maschinas che derivan oriundamain da l'industria da saida. Dapi intgins onns datti differentas stentas da render attenta la publicitad a l'impurtanza da l'industria da saida da Turitg e da conservar ils archivs da textilias anc existents.

Gallaria d'illustraziuns

  • Fabrica da la firma Gessner & co. SA, Wädenswil, tranter 1910 e 1920 © Gessner AG
  • Tessaria mecanica ad Adliswil (MSA), joint venture tranter Zürrer e Schwarzenbach, 1860 fin 1930
  • Haute couture «Marcel Guillemin Paris» per Givenchy, da taila da l'industria da saida da Turitg, Paris enturn l'onn 1992 © Gessner AG
  • Taila da saida e maschina da taisser da l'industria da saida da Turitg, Wädenswil tranter 2000 e 2005 © Gessner AG
  • Taila da decor da l'industria da saida da Turitg, «Living Collection», creaziun Baumann l'onn 2003 © Gessner AG
  • Fabrica da la firma Gessner & co. SA, Wädenswil, tranter 1910 e 1920 © Gessner AG
  • Tessaria mecanica ad Adliswil (MSA), joint venture tranter Zürrer e Schwarzenbach, 1860 fin 1930
  • Haute couture «Marcel Guillemin Paris» per Givenchy, da taila da l'industria da saida da Turitg, Paris enturn l'onn 1992 © Gessner AG
  • Taila da saida e maschina da taisser da l'industria da saida da Turitg, Wädenswil tranter 2000 e 2005 © Gessner AG
  • Taila da decor da l'industria da saida da Turitg, «Living Collection», creaziun Baumann l'onn 2003 © Gessner AG

Referenzas e dossier

Publicaziuns
  • Hans-Peter Bärtschi: Industriekultur im Kanton Zürich. Zürich, 1994

  • Commission Européenne Promotion Soie (CEPS), Barbara Messerli (Ed.): Seide. Zur Geschichte eines edlen Gewebes. Zürich, 1985

  • Anne-Marie Dubler: Textilindustrie. In: Historisches Lexikon der Schweiz. 2012

  • Robert U. Vogler: Der Finanzplatz Zürich. Eine Erfolgsgeschichte. 2009

  • Liliane Mottu-Weber: Seide. In: Historisches Lexikon der Schweiz. 2011

  • Martin Widmer: Sieben x Seide. Die Zürcher Seidenindustrie 1954–2003. Baden, 2004

  • Zürcher Kantonalbank (Ed.): Seide. Stoff für Zürcher Geschichte und Geschichten (Die «Züri-Reihe» der Zürcher Kantonalbank). Zürich, 1999

Dossier