Tagliar schlondas


Sparta:
Artisanat tradiziunal
  • Natira ed ambient
Chantun:

Descripziun

Tscherner il dretg lain, far permez quel cun sentiment e tagliar mintga schlonda en il dretg angul: Las abilitads dal tagliaschlondas èn tant precisas sco atemporalas. En la Svizra franzosa datti mo pli var diesch tagliaschlondas che san quest mastergn. Els cuvran instancablamain tetgs e fatschadas cun tschients da schlondas, questas planettas satiglias che vegnan fatgas per gronda part da laina da pign. Tut tenor la grondezza e la regiun da fabricaziun vegnan duvradas per las schlondas differentas designaziuns. Cun il temp survegnan las schlondas ina colur grisch-argientada. Tras quai sa protegia il lain cunter influenzas da l'aura. En Svizra derivan ils emprims fastizs dal temp gallic-roman. Els èn vegnids chattads als lieus da las exchavaziuns archeologicas a Holderbank (Soloturn) ed ad Oberwinterthur. Las activitads che quests fastizs inditgan marcheschan il cumenzament d'in lung svilup. En la Svizra bassa èn las schlondas vegnidas remplazzadas tras tievlas pir il 17avel e 18avel tschientaner. Ed en las regiuns da muntogna èn las schlondas vegnidas duvradas fin il 19avel tschientaner. Novas materialias e las mesiras per impedir incendis da vitgs han gì per consequenza ch’ins ha duvrà adina pli paucas schlondas. Perquai vesan ins ellas ozendi mo pli vi d'edifizis istorics e vi da tegias d'alp e chamonas. Tetgs e fatschadas da schlondas èn in segn caracteristic per las Prealps friburgaisas. Las schlondas vi d'ina fatschada ston vegnir remplazzadas pir suenter circa 100 onns. Quai è in mussament ch'i sa tracta d'ina lavur difficila e preziusa; in artisanadi che vegn pratitgà cun ardiment, ch'è dentant periclità pervi dal martgà che daventa adina pli pitschen.

Gallaria d'illustraziuns

  • Chalet du Pralet, il tagliaschlondas a la lavur vid in grond tetg © Florence Bays, 2007
  • Fatschada da schlondas reconstruida en il museum da Gruyère l'onn 1988 © Christophe Dutoit/Musée gruérien, Bulle
  • Chalet de la Monse a Charmey, l'edifizi da lain il pli vegl en la regiun da la Gruyère (construì enturn 1500) © Glasson/Musée gruérien, Bulle
  • Il tagliaschlondas a la lavur, Sorens en la regiun da la Gruyère, october 1938 © Glasson/Musée gruérien, Bulle
  • Chalet du Pralet, il tagliaschlondas a la lavur vid in grond tetg © Florence Bays, 2007
  • Fatschada da schlondas reconstruida en il museum da Gruyère l'onn 1988 © Christophe Dutoit/Musée gruérien, Bulle
  • Chalet de la Monse a Charmey, l'edifizi da lain il pli vegl en la regiun da la Gruyère (construì enturn 1500) © Glasson/Musée gruérien, Bulle
  • Il tagliaschlondas a la lavur, Sorens en la regiun da la Gruyère, october 1938 © Glasson/Musée gruérien, Bulle

Referenzas e dossier

Publicaziuns
  • Jean-Pierre Anderegg : Les chalets d'alpage du canton de Fribourg. Ed. Service des biens culturels. Fribourg, 1996

  • Association romande des tavillonneurs : Charte des tavillonneurs. In : Journal de la construction de la Suisse romande no. 9, vol. 70. Lausanne, 1996

  • Association romande des tavillonneurs : Tavillons, bardeaux, anseilles.Charte de bienfacture des couvertures en bois. In : Bâtir no. 77. Lausanne, 2003

  • Florence Bays : Les défenseurs du tavillon. In : Cahiers du Musée gruérien no. 6. Bulle, 2007, p. 205-214

  • Jules Nidegger : Toits et mantalires. Vevey, 2003

  • Denyse Raymond : Les couvertures en bois. Tavillons et tavillonneurs. L’Industriel sur bois. Lausanne, 1986

  • Jacqueline Veuve : Joseph Doutaz et Olivier Veuve, tavillonneurs. In : Les Métiers du bois. Tavillonneurs. Lausanne, 1989

  • Olivier Veuve, Pierre Grandjean : Tavillons et bardeaux. Lausanne, 2010

Dossier
  • Le tavillonnage

    description détaillée Ultima modificaziun: 27.08.2012
    Dimensiun: 290 kb
    Tip: PDF