Il chant al bigl da la Confraternitad da Son Bastiaun


Sparta:
Expressiuns oralas
  • Arts figurativs
  • Praticas socialas
Chantun:

Descripziun

Mintg'onn ils 24 da december van ils dudesch umens da la Confraternitad da Son Bastiaun a Rheinfelden en la baselgia da la citad da Son Martin per la laterna da la pestilenza e portan quella suenter l'ultim tuc dal zain da las 23.00 tras la citad veglia stgirentada. Ils umens che portan mantels e cilinders nairs passan en ina colonna da trais tar 6 bigls da la citad. Arrivads al bigl schlian els lur furmaziun da marschar, stattan en rudè e chantan lur chanzun da Nadal. Suenter il gir che dura in'ura ha lieu la messa tradiziunala da Nadal. Ils 31 da december a las 21.00 vegn l'usit repetì cun ina chanzun da Bumaun e terminà dapi intgins onns cun in concert d'orgla en la baselgia da Son Martin.

La Confraternitad da Son Bastiaun è vegnida fundada l'onn 1541 a chaschun d'ina pestilenza repetida ed ella ha silsuenter introducì l'usit da Nadal e da Bumaun dal chantar al bigl. Dapi il temp medieval è il Son Bastiaun l'ultim refugi per malsauns da la pesta. Perquai ha la Confraternitad da Son Bastiaun tschernì quest num. Las chanzuns duain purtar la benedicziun e proteger cunter ulteriuras pestilenzas. Il chant en il silenzi ed en la stgirezza da la citad veglia da Rheinfelden durant la legria da la festa da Nadal regorda al temp da sgarschur da pli baud cura che la pestilenza era derasada en il pajais.

Gallaria d'illustraziuns

  • Ils frars da Son Bastiaun sa radunan davant la baselgia da Son Martin © Sebastiani-Bruderschaft, Rheinfelden, 2007
  • Ils frars da Son Bastiaun passan tras las giassas stgirentadas, a la testa la laterna da la pestilenza © Sebastiani-Bruderschaft, Rheinfelden
  • Blers aspectaturs accumpognan ils chantadurs sin lur via tras las giassas da Rheinfelden © Sebastiani-Bruderschaft, Rheinfelden, 2007
  • Ils frars da Son Bastiaun chantan al bigl d'Albrecht («Albrechtsbrunnen»), l'oriund bigl da l'ospital © Sebastiani-Bruderschaft, Rheinfelden, 1930
  • Il chant al bigl da Nadal e da Silvester ha lieu dapi var 400 onns e n'è quasi mai vegnì interrut © Sebastiani-Bruderschaft, Rheinfelden
  • Il mument ch'els numnan Jesus Cristus en la chanzun da Nadal auzan ils frars cun respect lur cilinders © Sebastiani-Bruderschaft, Rheinfelden, 1926
  • Ils frars da Son Bastiaun stattan davant l'altar da Son Bastiaun en la baselgia da Son Martin per laschar far ina fotografia © Sebastiani-Bruderschaft, Rheinfelden, 2007
  • Ils frars da Son Bastiaun sa radunan davant la baselgia da Son Martin © Sebastiani-Bruderschaft, Rheinfelden, 2007
  • Ils frars da Son Bastiaun passan tras las giassas stgirentadas, a la testa la laterna da la pestilenza © Sebastiani-Bruderschaft, Rheinfelden
  • Blers aspectaturs accumpognan ils chantadurs sin lur via tras las giassas da Rheinfelden © Sebastiani-Bruderschaft, Rheinfelden, 2007
  • Ils frars da Son Bastiaun chantan al bigl d'Albrecht («Albrechtsbrunnen»), l'oriund bigl da l'ospital © Sebastiani-Bruderschaft, Rheinfelden, 1930
  • Il chant al bigl da Nadal e da Silvester ha lieu dapi var 400 onns e n'è quasi mai vegnì interrut © Sebastiani-Bruderschaft, Rheinfelden
  • Il mument ch'els numnan Jesus Cristus en la chanzun da Nadal auzan ils frars cun respect lur cilinders © Sebastiani-Bruderschaft, Rheinfelden, 1926
  • Ils frars da Son Bastiaun stattan davant l'altar da Son Bastiaun en la baselgia da Son Martin per laschar far ina fotografia © Sebastiani-Bruderschaft, Rheinfelden, 2007

Documents da video

Il chant al bigl da la Confraternitad da Son Bastiaun da Rheinfelden © Reinhard Manz/point de vue audiovisuelle Produktionen Basel, 1996, Sebastianibruderschaft von Rheinfelden

Documents sonors

La chanzun da Nadal da la Confraternitad da Son Bastiaun da Rheinfelden © Reinhard Manz/point de vue audiovisuelle Produktionen Basel, 1996, Sebastianibruderschaft von Rheinfelden

La chanzun da Silvester da la Confraternitad da Son Bastiaun da Rheinfelden © Reinhard Manz/point de vue audiovisuelle Produktionen Basel, 1996, Sebastianibruderschaft von Rheinfelden

Referenzas e dossier

Publicaziuns
  • Albert Bärtsch: Schweizer Feste und Bräuche. Volksfestkultur im Jahreslauf. Wädenswil, 2009

  • Arbeitsgruppe «Pest und Sebastiani-Bruderschaft Rheinfelden»: Die Pest und die Sebastiani-Bruderschaft Rheinfelden. Katalog zur Ausstellung im Fricktaler Museum. Rheinfelden, 1992

  • Immanuel Kammerer: Die Melodie des Rheinfelder Sebastianiliedes. In: Schweizerisches Archiv der Volkskunde vol. 42. Basel, 1945, p. 39-48

  • Fritz Münzner: Das Brunnensingen der Sebastianibruderschaft in Rheinfelden. In: Rheinfelder Neujahrsblätter 1971, p. 7-27

  • Adolf Welti: Sebastianibrüder. In: Rheinfelder Neujahrsblätter 1949, Rheinfelden, 1949, p. 47

  • Gottlieb Wyss: Das Weihnachtssingen der Sebastianibrüder in Rheinfelden. Ein Volksbrauch und ein Volkslied. Rheinfelden, 1930

  • Gottlieb Wyss: 1541-1941. Vierhundert Jahre Brunnensingen der Sebastianibruderschaft in Rheinfelden. Festschrift im Auftrage der Bruderschaft St. Sebastian zu Rheinfelden. Rheinfelden, 1941

Dossier