Giaschlar («Chlaus-Chlöpfe») en il district da Lenzburg


Sparta:
Praticas socialas
  • Expressiuns oralas
  • Artisanat tradiziunal
Chantun:

Descripziun

Da la fin d'october fin la dumengia suenter l'uschenumnà «Chlausmarkt» da Lenzburg (la segunda gievgia da december) sin far notg vegni giaschlà cun giaischlas lungas en il district da Lenzburg. Mintgin po dar schlops cun la giaischla, independentamain da la schlattaina e da la vegliadetgna. En intginas vischnancas han er lieu concurrenzas da giaschlar en differentas categorias. A Hallwil datti la saira dal «Chlausmärt» ina chatscha da mascaradas («Chlausjagen») ed a Niederlenz surdattan ils alvs ed ils nairs regals als uffants. Ils dus usits vegnan accumpagnads da battagiaischlas («Chlauschlöpfer»).

Il giaschlar è ina tradiziun è documentada fin il 16avel tschientaner. Ella sa basa sin la persvasiun ch’ins possia sa proteger cunter demunis e cunter autras nauschas influenzas cun canera snuaivla e cun ils ferms schlops da las giaischlas. In'autra istorgia d'origin raquinta la ditga da Son Niclà («Chlaus-Sage») da Lenzburg: Il giaschlar duai svegliar il Son Niclà en ses cuvel. Dapi ch'el saja vegnì vilentà ina giada da mattatschs na sa mussia el betg pli en citad.

Ultra da l'art da dar correctamain schlops cun la giaischla è er la producziun da quella ina tradiziun viva che vegn tgirada mo pli en trais lieus en tut la Svizra. In da quels lieus sa chatta en il chantun Argovia. Il giaschlar unescha perquai pliras tradiziuns: la pratica culturala dal giaschlar, las il savair e la producziun da las giaischlas sco er la tradiziun d'istorgias sco la ditga da Son Niclà da Lenzburg.

Gallaria d'illustraziuns

  • Giaschlar pon ins sulet, en quatter, en otg u en chor © Urs Schwager, 2008
  • Filar las filischellas cun glin tutga tar ils emprims pass da lavur en la producziun da las giaischlas © Robert Werren, Egliswil
  • Las filischellas vegnan suernadas ad ina giaischla © Robert Werren, Egliswil
  • A la fin vegn la giaischla drizzada a la lunghezza definitiva © Robert Werren, Egliswil
  • La fiera «Chlausmärt» a Lenzburg vala sco punct culminant dal giaschlar © Urs Schwager, 2008
  • Sco qua a la fiera dattan ils geniturs vinavant la dretga tecnica a la generaziun giuvna © Urs Schwager, 2008
  • En concurrenzas da giaschlar preschentan mattas e mats, dunnas ed umens lur pli bel giaschlar © Urs Schwager, 2008
  • En las concurrenzas vegnan valitads tranter auter il volumen dal tun e la regularitad dals schlops © Urs Schwager, 2008
  • Giaschlar pon ins sulet, en quatter, en otg u en chor © Urs Schwager, 2008
  • Filar las filischellas cun glin tutga tar ils emprims pass da lavur en la producziun da las giaischlas © Robert Werren, Egliswil
  • Las filischellas vegnan suernadas ad ina giaischla © Robert Werren, Egliswil
  • A la fin vegn la giaischla drizzada a la lunghezza definitiva © Robert Werren, Egliswil
  • La fiera «Chlausmärt» a Lenzburg vala sco punct culminant dal giaschlar © Urs Schwager, 2008
  • Sco qua a la fiera dattan ils geniturs vinavant la dretga tecnica a la generaziun giuvna © Urs Schwager, 2008
  • En concurrenzas da giaschlar preschentan mattas e mats, dunnas ed umens lur pli bel giaschlar © Urs Schwager, 2008
  • En las concurrenzas vegnan valitads tranter auter il volumen dal tun e la regularitad dals schlops © Urs Schwager, 2008

Documents da video

Co vegn fatga ina giaischla? – in film da Markus Bruder, Egliswil 2010 © Markus Bruder

Referenzas e dossier

Publicaziuns
  • Albert Bärtsch: Schweizer Feste und Bräuche. Volksfestkultur im Jahreslauf. Wädenswil, 2009

  • Gemeinde Hallwil (Ed.): Die Hallwiler Mittwinterbräuche. Zum Jubiläum 60 Jahre Brauchtumserneuerung (1949-2009). Hallwil, 2009

  • Margrit Thüler et. al.: Feste im Alpenraum. Schweiz. Österreich. Deutschland. Italien. Frankreich. Zürich:, 1997

  • Ulrich Weber, Heinz Fröhlich: Aargauer Bräuche. Aarau, 1983

Dossier