«Meitlisonntig (Meitlizyt, Meitlitäg)» – la Dumengia da las mattas


Sparta:
Praticas socialas
  • Expressiuns oralas
  • Arts figurativs
  • Artisanat tradiziunal
Chantun:

Descripziun

La Dumengia da las mattas (il «Meitlisonntig») è in reschim da las dunnas (ina «Weiberherrschaft») sur ils umens (il «Mannevolch») che vegn festivà mintga onn durant trais dis a Fahrwangen ed a Meisterschwanden. Quest usit va enavos al success da las dunnas en la guerra da Villmergen da l'onn 1712, per il qual ellas han survegnì trais dis da pussanza. La gievgia vegn il reschim da las dunnas annunzià cun ils rataplans da las tamburas. Las dunnas salvan en tuttas duas vischnancas ina radunanza generala, organisada da las associaziuns da la Dumengia da las mattas. A quellas sa participeschan en mintga vitg var 100 dunnas che portan vestgids elegants da temps passads. Alura van las dunnas munidas cun in artg d'erva da suas da chonv en gruppas a chatscha dals umens. Als umens vegn offrì in magiel vin sco segn dal cumenzament dal nov reschim. Alura envidan las dunnas ils umens al saut. L'um tschiffà portan las dunnas en il proxim restaurant. Là po el sa cumprar liber. La dumengia regna ina mascarada legra en ils restaurants, durant la quala las dunnas envidan puspè ils umens al saut. Mintga quatter onns ha ultra da quai lieu in grond cortegi da Fahrwangen a Meisterschwanden. L'usit vegn terminà cun la repartiziun d'in rintg da la tarschola d'ovs cun in diameter d'in meter e mez. Il tagliar e reparter la tarschola als umens simbolisescha che las dunnas surdattan puspè il reschim als umens. Il punct culminant da las festivitads è ina polonaisa la mesanotg en ils restaurants dals vitgs.

Gallaria d'illustraziuns

  • Quellas da Meisterschwand a la radunanza generala, il cumenzament da l'usit da la Dumengia da las mattas © Ursula Erni, 2011
  • Il corp da tamburas da Fahrwangen e da Meisterschwanden © Priska Lauper, 2011
  • Dunnas da Fahrwangen en vestgids elegants, «armadas» cun in artg d'erva per tschiffar umens © Priska Lauper, 2011
  • Ils umens vegnan tschiffads cun l'artg d'erva da suas da chonv e vegnan purtads en il proxim restaurant © Ursula Erni, 2011
  • Trestga da las mattas e da las dunnas da Meisterschwanden la gievgia saira © Ursula Erni, 2011
  • La tarschola d'ovs vegn tagliada si la dumengia saira a Fahrwangen © Priska Lauper, 2009
  • Ina gruppa da la guerra da Villmergen tar il cortegi l'onn 2008 davant dus rintgs da tarschola d'ovs © Priska Lauper, 2008
  • Motto dal cortegi «schalt i und lueg zrugg», 2005: char cun il «Donnschtigjass» © Priska Lauper, 2005
  • Motto dal cortegi «go Switzerland», 2008: char che tematisescha il chantun (da las carottas) Argovia © Priska Lauper, 2008
  • Ina vart da la bandiera da l’Associaziun dals „Meitlisonntag“, Meisterschwanden 2017 © Meitlisonntag-Vereinigung Meisterschwanden
  • Quellas da Meisterschwand a la radunanza generala, il cumenzament da l'usit da la Dumengia da las mattas © Ursula Erni, 2011
  • Il corp da tamburas da Fahrwangen e da Meisterschwanden © Priska Lauper, 2011
  • Dunnas da Fahrwangen en vestgids elegants, «armadas» cun in artg d'erva per tschiffar umens © Priska Lauper, 2011
  • Ils umens vegnan tschiffads cun l'artg d'erva da suas da chonv e vegnan purtads en il proxim restaurant © Ursula Erni, 2011
  • Trestga da las mattas e da las dunnas da Meisterschwanden la gievgia saira © Ursula Erni, 2011
  • La tarschola d'ovs vegn tagliada si la dumengia saira a Fahrwangen © Priska Lauper, 2009
  • Ina gruppa da la guerra da Villmergen tar il cortegi l'onn 2008 davant dus rintgs da tarschola d'ovs © Priska Lauper, 2008
  • Motto dal cortegi «schalt i und lueg zrugg», 2005: char cun il «Donnschtigjass» © Priska Lauper, 2005
  • Motto dal cortegi «go Switzerland», 2008: char che tematisescha il chantun (da las carottas) Argovia © Priska Lauper, 2008
  • Ina vart da la bandiera da l’Associaziun dals „Meitlisonntag“, Meisterschwanden 2017 © Meitlisonntag-Vereinigung Meisterschwanden

Referenzas e dossier

Publicaziuns
  • Yvonne Fischer: Meitlisonntags-Brauch Fahrwangen und Meisterschwanden um den 2. Sonntag im Januar. In: Heimatkunde aus dem Seetal 74. Ed. Historische Vereinigung Seetal. Seengen, 2001, p. 17-28

  • Eduard Hoffmann-Krayer: Feste und Bräuche des Schweizervolkes. Zürich, 1940

  • Jürg Stüssi: Zum Meitlisonntag von Fahrwangen und Meisterschwanden. In: MFD-Zeitung. Offizielles Organ des Schweizerischen Verbandes der Angehörigen des MFD 47-48. Biel, 1987-1988

Dossier
  • Meitlisonntig

    Ausführliche Beschreibung Ultima modificaziun: 04.06.2018
    Dimensiun: 427 kb
    Tip: PDF