Illustraziuns, comics e placats genevrins


Sparta:
Artisanat tradiziunal
Chantun:

Descripziun

Genevra n'è betg Paris, Tokio u Brüssel, ma en il sectur dal novavel art occupa la citad da Calvin tuttina ina posiziun impurtanta. Per l'ina perquai ch'in da ses figls, Rodolphe Töpffer (1799-1846), vala sco bab dals comics – ed en spezial da sia teoretisaziun. El è s’engaschà sco emprim en il sectur da la «litteratura grafica» sco ch'el ha sez numnà il comic. Per l'autra perquai che Genevra ha ina lunga tradiziun da placats illustrads ch'èn vegnids pendids ora en las vias e ch'expriman anc oz cun in'optica singulara las discussiuns en la societad ed eveniments regiunals impurtants da la politica, dal sport e da la cultura. Suenter ch'igl ha dà l'onn 1896 ina concurrenza per il placat uffizial da l'exposiziun naziunala, è quest moviment sa sviluppà d'in cuntin durant il 20avel tschientaner. Fin il temp suenter la guerra ha la litteratura da nivlettas alura fatg ina sviada sur ils Stadis Unids da l'America, ma cun il moviment da protesta dals onns 1968 hai dà ina renaschientscha dals comics a Genevra. Dapi ils onns 1970 han passa 150 artistas ed artists genevrins gidà a caracterisar questa furma d'art: Da Gérard Poussin sur Aloys, Daniel Ceppi, Albertine e Tom Tirabosco fin a Frederik Peeters èn blers daventads enconuschents ed han gidà a mantegnair viva questa tradiziun en il chantun. Sco veritabel fenomen litterar ha Zep creà la figura Titeuf cun ses ritsch blond enconuschent, e quai sa laschond inspirar d'ina plazza da scola genevrina...

Gallaria d'illustraziuns

  • Rodolphe Töpffer: Les amours de Mr Vieux Bois, Genevra, 1837 © Bibliothèque de Genève
  • Henry-Claudius Forestier: Cirage Babel, Babel & Cie, Acacias Genevra, 1901? © Bibliothèque de Genève
  • Henri Fehr: Genevra, dals 16 fin ils 25 da mars 1934, 11avel salun d'automobils, motos e velos, Genevra, 1934 © Bibliothèque de Genève
  • Exem (Emmanuel Excoffier): Na a la privatisaziun zuppada dals meds da transport publics da Genevra © Bibliothèque de Genève
  • Rodolphe Töpffer: Les amours de Mr Vieux Bois, Genevra, 1837 © Bibliothèque de Genève
  • Henry-Claudius Forestier: Cirage Babel, Babel & Cie, Acacias Genevra, 1901? © Bibliothèque de Genève
  • Henri Fehr: Genevra, dals 16 fin ils 25 da mars 1934, 11avel salun d'automobils, motos e velos, Genevra, 1934 © Bibliothèque de Genève
  • Exem (Emmanuel Excoffier): Na a la privatisaziun zuppada dals meds da transport publics da Genevra © Bibliothèque de Genève

Referenzas e dossier

Publicaziuns
  • Danielle Buyssens : Rodolphe Töpffer (1799-1846), de l’intuition à la théorie de la bande dessinée. In : Décor, design et industrie. Les arts appliqués à Genève. Ed. Alexandre Fiette. Paris, 2010, p. 385-394

  • Jean-Charles Giroud : L’affiche artistique genevoise 1890-1920. Genève, 1991

  • Jean-Charles Giroud : Les affiches politiques genevoises de l’entre-deux-guerres (Les belles pages de la Bibliothèque de Genève 3). Genève, 2009

  • Thierry Groensteen, Benoît Peeters : Töpffer, l’invention de la bande dessinée. Paris, 1994

  • Ariel Herbez : Affiches BD, vingt-cinq ans de création genevoise. Genève, 1996 (nouv. éd. avec catalogue)

  • Ariel Herbez : Le grand retour de la bande dessinée à Genève. In : Décor, design et industrie. Les arts appliqués à Genève. Ed. Alexandre Fiette. Paris, 2010, p. 399-412

  • Guy Mérat : A l’école d’arts appliqués (EAA) de Genève, l’illustration et la bande dessinée font banc commun. In : Prix de la Ville de Genève pour la bande dessinée 06. Genève, 2006

Dossier