Guitader da la catedrala da Losanna


Sparta:
Expressiuns oralas
  • Praticas socialas
Chantun:

Descripziun

Tut ils pipistrels e spassegiaders nocturns da Losanna enconuschan il guitader da la catedrala cun ses lung clom, ina instituziun per excellenza a Losanna. Ina necessitad pratica per ses uffizi na datti betg pli, ma sco part dal flair tipic da la citad veglia è el indispensabel e vegn defendì a tuts custs, cur ch'i s’avischina er mo la sumbriva d'in privel als mirs da ses clutger. Dapi l'onn 1405 è il guitader da la catedrala documentà. Durant blers tschientaners avertiva el ils abitants da la citad cunter incendis smanatschants, ensemen cun il guitader ambulant e cun ses collega sin il clutger da la baselgia St. François. Ultra da quai inditgava el er mintga ura plaina e clamava or il temp. Il progress tecnic dal 20avel tschientaner l'ha atgnamain liberà da sia funcziun oriunda, perquai ch'ils pumpiers n'eran betg pli dependents da ses agid e las uras battevan d'ussa envi automaticamain. Tuttina na fissi betg stà imaginabel d'al bandischar da ses clutger. Er suenter ch'igl eran vegnidas installadas sirenas da fieu en la citad, ha el anc ademplì sia funcziun fin suenter la Segunda guerra mundiala. E cur ch’ins ha pensà l'onn 1960 d’abolir il guitader e da modifitgar sias incumbensas, è la pressa regiunala vegnida bumbardada in mais a la lunga cun chartas da lecturs che han mussà quant ferm che la populaziun da Losanna sa senta colliada cun lur guitader simbolic. Dapi lura cloma el or las uras plainas giu da ses clutger, 365 dis l'onn tranter las 10 la notg e las 2 la damaun. Il titular actual ha num Renato Häusler, occupa ina plazza da 52 % e vegn sustegnì da tschintg guitaders da reserva. L'onn 2002 è el entrà en plazza sco successur da l'anteriur guitader renumà Philippe Becquelin ch'è stà enconuschent oravant tut cun ses surnum «Mix et Remix».

Gallaria d'illustraziuns

  • «Igl ha dà las diesch!» © Dushana Häusler, 2011
  • Il guitader e la Marie-Madeleine, il grond zain da la catedrala da Losanna © Dushana Häusler, 2011
  • La chombra dal guitader, 1952 © Giegel/Musée de l’Elysée, Lausanne, collection iconographique vaudoise
  • Il «père Bovard», 1920 © Musée de l’Elysée, Lausanne, collection iconographique vaudoise
  • «Igl ha dà las diesch!» © Dushana Häusler, 2011
  • Il guitader e la Marie-Madeleine, il grond zain da la catedrala da Losanna © Dushana Häusler, 2011
  • La chombra dal guitader, 1952 © Giegel/Musée de l’Elysée, Lausanne, collection iconographique vaudoise
  • Il «père Bovard», 1920 © Musée de l’Elysée, Lausanne, collection iconographique vaudoise

Referenzas e dossier

Publicaziuns
  • Charles-François Landry : Le guet. In : La ronde des métiers. Ed. Eglise nationale vaudoise. Lausanne, 1943, p. 25-34

  • Gapard de Marval : Moi, le guet. In : Mémoire vive no. 13. Lausanne, 2005, p. 6-15

  • Gapard de Marval : Le guet de la cathédrale. 6 siècles d’histoire, 100 ans de souvenirs et d’anecdotes. Avec une préface de Gilbert Coutaz, archiviste de la Ville de Lausanne. Chapelle-sur-Moudon, 1992

  • Fabien Ruf, Fabienne Hoffmann, Ulrike Golnick : Les cloches de la cathédrale de Lausanne. Ed. Service des bâtiments, monuments et archéologie. Lausanne, 2005

  • 600 ans du guet. In : 24 Heures, 3 novembre 2005, p. 33-35

Dossier