Fabricaziun d'automats e da stgatlas da musica


Sparta:
Artisanat tradiziunal
Chantun:

Descripziun

Il svilup da la mecanica da precisiun per la fabricaziun d'automats e da stgatlas da musica è collià inseparablamain cun l'art d'urer. Questa mecanica è sa derasada en il Giura vadais a partir dal 19avel tschientaner. Entant che las stgatlas da musica creeschan melodias tras la vibraziun da lamellas, permettan ils automats da musica d'imitar in instrument cun agid d'indrizs mecanics, pneumatics u idraulics. Lur origin è en Frantscha, nua ch'els èn vegnids sviluppads a partir dal 18avel tschientaner. Tuts dus sistems cumbineschan la mecanica cun aspects artistics – l'automat implitgescha la musica e viceversa. Els funcziunan per gronda part senza l'electricitad.

Da las pitschnas stgatlas da tubac fin als gronds «cartels» datti stgatlas da musica per mintga gust e per mintga bursa – las stgatlas las pli charas custan fin a 100'000 francs svizzers. Durant in lung temp èn ellas vegnidas fabritgadas tenor il princip da l'établissage (elavuraziun da cumponentas) en fabricaziun a domicil cun lavur repartida tenor schlattainas. Oz vegnan las stgatlas fabritadas en lavuratoris u fabricas. A Sainte-Croix è la producziun cumpletta d'automats da musica in artisanadi. Ella premetta la collavuraziun da diversas professiuns per sviluppar, producir e decorar las singulas creaziuns. Cur che las stgatlas èn fabritgadas, ans fascineschan ellas en noss mund autamain tecnisà cun lur originalitad mirvegliusa e poetica. Damai che nagina branscha na s'engascha per ellas e perquai ch’i dat ina ferma concurrenza da l'Asia e tras numerusas distracziuns electronicas da 3D e da players MP3, survivan ils automats e las stgatlas da musica mo grazia a la perseveranza ed a la stinadezza da tscherts amaturs passiunads.

Gallaria d'illustraziuns

  • Il lavuratori dal fabricant d'automats da musica François Junod a Sainte-Croix (VD) © Ariane Devanthéry, 2011
  • Fabrica Reuge SA a Sainte-Croix (VD) © Jean-Paul Maeder, 1984
  • Ils utensils dal fabricant d'automats da musica François Junod a Sainte-Croix (VD) © Ariane Devanthéry, 2011
  • Oriunda ovra Paillard a Sainte-Croix (VD) © Musée de l’Elysée, Lausanne, Collection iconographique vaudoise
  • Il lavuratori dal fabricant d'automats da musica François Junod a Sainte-Croix (VD) © Ariane Devanthéry, 2011
  • Fabrica Reuge SA a Sainte-Croix (VD) © Jean-Paul Maeder, 1984
  • Ils utensils dal fabricant d'automats da musica François Junod a Sainte-Croix (VD) © Ariane Devanthéry, 2011
  • Oriunda ovra Paillard a Sainte-Croix (VD) © Musée de l’Elysée, Lausanne, Collection iconographique vaudoise

Documents da video

Stgatla da musica Mira © Inconnu. Source: http://www.youtube.com/watch?v=IyD76GPQPQs

Referenzas e dossier

Publicaziuns
  • Christian Bailly : L’âge d‘or des automates 1848-1914, Paris, 1987

  • Etienne Blyelle : Dictionnaire technique et musical des boîtes à musique. Genève, 2000

  • Alfred Chappuis : Histoire de la boîte à musique mécanique. Lausanne, 1955

  • Christophe Hänggi : Musique de gare. Les automates à musique dans les gares suisses. Catalogue de l’exposition temporaire du Musée des automates à musique de Seewen SO et du Musée national suisse Château de Prangins VD. Seewen, 2005

  • Chrristophe Hänggi : Rêveries en musique. Les automates du Musée des automates à musique de Seewen. Seewen, 2006

  • Alain Margot : La Mécanique des anges (documentaire). Neuchâtel, 2008

  • Jean-Claude Piguet : Le Musée Baud à L’Auberson. Cinquante ans consacrés à la musique mécanique, 1955-2005. L’Auberson, 2005

  • Jean-Claude Piguet : Les Faiseurs de musiques. Histoire de la boîte à musique à Sainte-Croix. Sainte-Croix, 1996

  • Daniel Troquet : Au Pays des boîtes à musique et des automates. Sainte-Croix, 1989

  • Jürg Wyss, Marc Hösli, Jean-Claude Piguet : L’atelier du Dr Wyss. Le génie technique et musical de la fabrication de la boîte à musique. Sainte-Crois, 2010

  • André Blanchoud : Au pays des faiseurs d'automates, de musique et de rêve (documentaire). Genêve

Dossier