Pelegrinadi al Stoss


Sparta:
Praticas socialas
Chantun:

Descripziun

Mintga onn ha lieu la segunda u la terza dumengia da matg il pelegrinadi al Stoss. El regorda a la battaglia al Stoss da l'onn 1405, nua ch'ils Appenzellais han survegnì il suramaun suenter stentas da liberaziun pli lungas envers il domini da l'abazia da Son Gagl. Al Stoss han els cuntanschì ina victoria decisiva sur las truppas da l'avat e sur ses alliads austriacs. Ils Appenzellais han empermess solennamain da regurdar mintga onn dals cumpatriots ch'èn crudads en la battaglia. Uschia sa radunan mintgamai la damaun a las sis ils spirituals, las autoritads ed ina rotscha respectabla da pelegrins da l’Appenzell Dadens davant la baselgia parochiala ad Appenzell – tenor l'empermischun dueva participar al pelegrinadi in um onest u ina dunna onesta da mintga chasa. Recitond il rusari prendan els sut ils pes la via da nov kilometers che maina a la chaplutta en memoria da la battaglia al Stoss. Tar la fracziun Sammelplatz prelegia il chancelier da l'Appenzell Dadens l'uschenumnà «Fahrtbrief» che relata ils eveniments da la battaglia e che numna ils Appenzellais crudads. Per els vegni lura ditg tschintg babnoss. Il pelegrinadi cuntinuescha sur Gais en il chantun Appenzell Dador fin a la chaplutta al Stoss. Là stat il predi festiv dal plevon en il center dal servetsch divin da pelegrinadi. Suenter in curt paus returnan ils pelegrins cun la viafier ad Appenzell.

Gallaria d'illustraziuns

  • Arrivada dal clerus cun ils chaputschins e da la Regenza cun il salter a la chaplutta al Stoss © Emil Grubenmann sen., 1955/Museum Appenzell
  • Servetsch divin da pelegrinadi sper la chaplutta al Stoss © Emil Grubenmann sen., 1955/Museum Appenzell
  • Chaplutta al Stoss visa dal vest © Marga Steinmann, um 1940/Museum Appenzell
  • Pelegrinadi al Stoss sin l'uschenumnà «Möserweg», curt suenter la fracziun Sammelplatz © Paul Broger, 2007/Kanton Appenzell Innerrhoden
  • Pelegrinadi al Stoss sin l'uschenumnà «Möserweg», curt avant Gais © Paul Broger, 2007/Kanton Appenzell Innerrhoden
  • Pelegrinadi al Stoss curt avant l'arrivada a la chaplutta al Stoss © Paul Broger, 2007/Kanton Appenzell Innerrhoden
  • Arrivada dal clerus cun ils chaputschins e da la Regenza cun il salter a la chaplutta al Stoss © Emil Grubenmann sen., 1955/Museum Appenzell
  • Servetsch divin da pelegrinadi sper la chaplutta al Stoss © Emil Grubenmann sen., 1955/Museum Appenzell
  • Chaplutta al Stoss visa dal vest © Marga Steinmann, um 1940/Museum Appenzell
  • Pelegrinadi al Stoss sin l'uschenumnà «Möserweg», curt suenter la fracziun Sammelplatz © Paul Broger, 2007/Kanton Appenzell Innerrhoden
  • Pelegrinadi al Stoss sin l'uschenumnà «Möserweg», curt avant Gais © Paul Broger, 2007/Kanton Appenzell Innerrhoden
  • Pelegrinadi al Stoss curt avant l'arrivada a la chaplutta al Stoss © Paul Broger, 2007/Kanton Appenzell Innerrhoden

Documents da video

Extracts da «Ösen Globe lebe ond fiire. Das Kirchenjahr in Appenzell Innerrhoden» © Andreas Baumberger AG, 2007/Museum Appenzell

Referenzas e dossier

Publicaziuns
  • Ferdinand Fuchs: Stossfahrt. In: Unser Innerrhoden. Ed. Landesschulkommission Appenzell Innerrhoden. Mit Beiträgen von Josef Küng, Ferdinand Fuchs, Roland Inauen, Oskar Keller, Joe Manser, Johann Manser, Edi Moser, Alfred Sutter. Appenzell, 2003

  • Roland Inauen, Matthias Weishaupt: Ueli Rotach. Ein besonderes Kapitel appenzellischer Erinnerungskultur. In: Appenzellische Jahrbücher 2004 (no. 132.). Herisau, 2005

Dossier
  • Stosswallfahrt

    Ausführliche Beschreibung Ultima modificaziun: 31.05.2018
    Dimensiun: 248 kb
    Tip: PDF