Illuminaziun da la cascada dal Rain


Sparta:
Natira ed ambient
  • Praticas socialas
Chantun:

Descripziun

La cascada dal Rain a Neuhausen è la cascada la pli gronda da l'Europa. Cun sia cuntrada e cun ils edifizis istorics porscha ella da di in spectacul particular, ma ella è er ina culissa unica per gieus da glisch nocturns. Il cumenzament da l'illuminaziun da la cascada dal Rain ha in stretg connex cun il turissem. Gia en il 19avel tschientaner èn ils hoteliers sa stentads da porscher a lur giasts in spectachel extraordinari cun inscenaziuns da fieus bengals. A partir dal 20avel tschientaner han instituziuns semipublicas surpiglià l'organisaziun da las illuminaziuns. Dapi l'onn 1966 vegn inscenà in grond fieu artifizial che fascinescha mintgamai var 10'000 aspectaturas ed aspectaturs. Questa illuminaziun ha gì lieu mintgamai il 1. d'avust. Tranter ils onns 2009 e 2011 ha la Cuminanza d'interess per la cascada dal Rain cumenzà a realisar questa illuminaziun la penultima sonda da l'avust. A partir dal 2012 ha l'illuminaziun da la cascada dal Rain lieu mintgamai ils 31 da fanadur. E dapi ils 12 avrigl 2008 sa preschenta la cascada dal Rain en ina nova glisch. Per ses 100avel anniversari ha l'Ovra electrica dal chantun Schaffusa SA (EKS AG) regalà in indriz nov per illuminar quest spectacul natiral. L’illuminaziun ch'è vegnì inscenada da Charles Keller da Son Gagl vegn mussada durant tut l'onn tenor in tschert urari e metta en scena degnamain quest imposant fenomen natiral.

Gallaria d'illustraziuns

  • Il grond fieu artifizial dal 1. d'avust a la cascada dal Rain da l'onn 2000 © Max Baumann Schaffhausen 2000
  • L'illuminaziun actuala da la cascada dal Rain da Charles Keller © Schaffhausen Tourismus
  • Carta postala cun in fieu artifizial a la cascada dal Rain, ediziun Photoglob-Wehrli-Vouga, Turitg 1937 © Museum zu Allerheiligen Schaffhausen (Inv. Inventar 55553.08)
  • Carta postala cun l'illuminaziun da la cascada dal Rain, tramessa l'onn 1901, chasa editura dals Ertavels Ls. Bleuler, negozi d'art, chastè da Laufen a la cascada dal Rain © Museum zu Allerheiligen Schaffhausen (Inv. 53080)
  • Poster per las illuminaziuns da la Cascada dal Rain, 1905 (Stamparia Corbaz & Cie. Lausanne) © Museum zu Allerheiligen Schaffhausen, Inv. 58846
  • L’inauguraziun da la punt dal tren suror la cascada: il fieu d’artifizi dals 15 d’avrigl 1857 (artitgel da pressa) © Museum zu Allerheiligen Schaffhausen, Inv. 53001
  • Il grond fieu artifizial dal 1. d'avust a la cascada dal Rain da l'onn 2000 © Max Baumann Schaffhausen 2000
  • L'illuminaziun actuala da la cascada dal Rain da Charles Keller © Schaffhausen Tourismus
  • Carta postala cun in fieu artifizial a la cascada dal Rain, ediziun Photoglob-Wehrli-Vouga, Turitg 1937 © Museum zu Allerheiligen Schaffhausen (Inv. Inventar 55553.08)
  • Carta postala cun l'illuminaziun da la cascada dal Rain, tramessa l'onn 1901, chasa editura dals Ertavels Ls. Bleuler, negozi d'art, chastè da Laufen a la cascada dal Rain © Museum zu Allerheiligen Schaffhausen (Inv. 53080)
  • Poster per las illuminaziuns da la Cascada dal Rain, 1905 (Stamparia Corbaz & Cie. Lausanne) © Museum zu Allerheiligen Schaffhausen, Inv. 58846
  • L’inauguraziun da la punt dal tren suror la cascada: il fieu d’artifizi dals 15 d’avrigl 1857 (artitgel da pressa) © Museum zu Allerheiligen Schaffhausen, Inv. 53001

Documents da video

Il fieu artifizial da la cascada dal Rain dals 20 d'avust 2011 (extract da l'emissiun «Heute im Gespräch» da la televisiun da Schaffusa dals 22 d'avust 2011) © Schaffhauser Fernsehen 2011

Documents sonors

Il schefpirotecnicist Siegfried Vogel quinta da l'organisaziun, da la fascinaziun e da las difficultads dal spectachel pirotecnic (extracts da «Heute im Gespräch» da la televisiun da Schaffusa dals 22 d'avust 2011) © Schaffhauser Fernsehen 2011

Referenzas e dossier

Publicaziuns
  • Daniel Grütter: Das ist Schaffhausens Zierde und Pracht. Historische Annäherung an den Rheinfall. In: Der Rheinfall, Strömungen, Tumulte, Reflexionen (Interdisziplinäre Schriftenreihe des Museums zu Allerheiligen Schaffhausen 2). Ed. Roger Fayet. Baden, 2006, p. 31-60

  • Hanspeter Hak: Rheinfallbeleuchtung einst und jetzt. In: Schaffhauser Magazin 2/1998, p. 9-10

  • Robert Pfaff: Der Tourismus am Rheinfall im Wandel der Zeiten. Der Rheinfall als Reiseziel im Laufe der Jahrhunderte. Thayngen, 1994 (2. Auflage)

  • Robert Pfaff: Rheinfall. In: Historisches Lexikon der Schweiz

  • Peter Scheck: Die Eröffnungsfeier der Rheinfallbahn am 15. April 1857. In: Schaffhauser Mappe Magazin. 150 Jahre Rheinfallbahn. Sonderausgabe 5. April 2007, p. 30-31

Dossier