Dumengias d'atun da Hallau


Sparta:
Praticas socialas
Chantun:

Descripziun

Il chantun Schaffusa ha ina tradiziun da viticultura da blers tschientaners ed appartegna als chantuns da vin ils pli impurtants da la Svizra tudestga. En ventg vischnancas produceschan viticulturas e viticulturs oz vin sin ina surfatscha da circa 500 hectaras. La racolta d'ivas cuntanscha en media ina valur da 15 milliuns francs. Il chantun s’è posiziunà da nov sco regiun da vin dapi l'onn 2002 cun las viticulturas ed ils viticulturs, cun las producentas ed ils producents da vin sco er cun la federaziun mercantila «Schaffhauser Wein». Els han creà il label « Schaffusa, territori dal pinot noir».

Colliadas cun la viticultura èn numerusas festas dal vin. La festa la pli enconuschenta èn las «Dumengias d'atun da Hallau». Ses origins èn da chattar en las fieras d'atun u festas da viticultura che han lieu dapi l'onn 1935. Quellas èn vegnidas enritgidas per l'emprima giada l'onn 1946 cun in cortegi da festa. Dapi l'onn 1966 han ils cortegis lieu onn per onn, senza excepziuns. Cun chars tematics decorads pumpusamain, cun furmaziuns da costums e da musica èn els senza dubi il punct culminant da la festa atunila e fascineschan millis da visitadras e visitaders.

Gallaria d'illustraziuns

  • Char tematic al cortegi da festa da las Dumengias d'atun da Hallau 2011 © Detlef Moll, Hallau, 2011
  • Funtauna dal vitg, decorada per il «Donnschtig Jass», a chaschun da las Dumengias d'atun da Hallau 2011 © Detlef Moll, Hallau, 2011
  • Funtauna dal vitg, decorada per la «Meteo», a chaschun da las Dumengias d'atun da Hallau 2011 © Detlef Moll, Hallau, 2011
  • Cortegi da festa da la Dumengia d'atun da Hallau 1969 © Bruno und Eric, Schaffhausen 1969/Stadtarchiv Schafhausen
  • Cortegi da festa da la Dumengia d'atun da Hallau 1968 © Bruno und Eric, Schaffhausen 1968/Stadtarchiv Schafhausen
  • Char tematic al cortegi da festa da las Dumengias d'atun da Hallau 2011 © Detlef Moll, Hallau, 2011
  • Funtauna dal vitg, decorada per il «Donnschtig Jass», a chaschun da las Dumengias d'atun da Hallau 2011 © Detlef Moll, Hallau, 2011
  • Funtauna dal vitg, decorada per la «Meteo», a chaschun da las Dumengias d'atun da Hallau 2011 © Detlef Moll, Hallau, 2011
  • Cortegi da festa da la Dumengia d'atun da Hallau 1969 © Bruno und Eric, Schaffhausen 1969/Stadtarchiv Schafhausen
  • Cortegi da festa da la Dumengia d'atun da Hallau 1968 © Bruno und Eric, Schaffhausen 1968/Stadtarchiv Schafhausen

Documents da video

Impressiuns dal cortegi da festa da las Dumengias d'atun da Hallau 2011 © Dieter Amsler, Schaffhausen 2011

Referenzas e dossier

Publicaziuns
  • Gemeinde Hallau (Ed.): Geschichte von Hallau. Hallau, 1991

  • Fritz Grüninger: Fünfzigster Hallauer Herbstumzug. In: Schaffhauser MappeMagazin 3. Beringen, 2007, p. 39-41

  • Hans Grüninger: Werbung für Rebland und Wein. In: Schaffhauser Magazin 1. Beringen, 2003

  • Herbert Neukomm: Der Rebbau im Kanton Schaffhausen. In: Schaffhauser MappeMagazin 3. Beringen, 2007, p. 16-17

Dossier