Navigar cun bartgas da pestga


Sparta:
Natira ed ambient
  • Expressiuns oralas
  • Praticas socialas
  • Artisanat tradiziunal
Chantun:

Descripziun

Il «Weidling» è ina bartgina da pestga platta che ha ina lunghezza da var 9 meters. Sco simbol tutga il «Weidling» tar il chantun Schaffusa sco la fortezza dal Munot ed il Rain. Sin il traject dal Rain tranter Stein am Rhein e la citad da Schaffusa è el in dals meds da traffic ils pli populars. Il pli caracteristic tar il «Weidling», che n'ha tradiziunalmain nagin motor, è la moda e maniera da s'avanzar. Perquai ch'il current dal Rain è ferm, po il «Weidling» mo vegnir stuschà cun stangas u runà per lung da la riva si per il flum. Tradiziunalmain vegn il «Weidling» construì da lain massiv. Ozendi pon dentant er vegnir cumprads exemplars en lain cruschà, en materia sintetica ed en aluminium. La firma «Kohler Zimmerei & Holzbau» a Thayngen (chantun Schaffusa) construescha anc sco ultim manaschi en Svizra questas bartgas (numnadas «Stachelweidlinge») exclusivamain en lain massiv. Las variantas popularas da quest tip da bartga – numnadamain il «Stachelweidling», il «Fähr- u Übersetzboot» ed il «Langschiff» – èn sa sviluppadas dapi il temp medieval da las bartgas da pestga da quella giada. Questas bartgas vegnan fabritgadas ozendi oravant tut sco urdains da sport e da temp liber e vegnan duvradas en Svizra en il sport da pontonier e naval.

Gallaria d'illustraziuns

  • Viadi cun in «Weidling» sin il Rain, visita dal Cussegl federal en il chantun Schaffusa, 2006 © Sonja Baumann, Schaffhausen, 2006/Stadtarchiv Schaffhausen
  • Rolf Baumann sin il viadi inaugural cun ses «Weidling» nov dad Urs Kohler © Sonja Baumann, Schaffhausen, 2008/Stadtarchiv Schaffhausen
  • Andrea ed Urs Herzig en lur «Weidling» nov dad Urs Kohler © Sonja Baumann, Schaffhausen, 2008/Stadtarchiv Schaffhausen
  • Schubregiada cuminaivla d'in «Weidling», suenter ch'el è vegnì prendì or da l'aua l'atun © Sonja Baumann, Schaffhausen, 2007/Stadtarchiv Schaffhausen
  • Viadi cun in «Weidling» sin il Rain, visita dal Cussegl federal en il chantun Schaffusa, 2006 © Sonja Baumann, Schaffhausen, 2006/Stadtarchiv Schaffhausen
  • Rolf Baumann sin il viadi inaugural cun ses «Weidling» nov dad Urs Kohler © Sonja Baumann, Schaffhausen, 2008/Stadtarchiv Schaffhausen
  • Andrea ed Urs Herzig en lur «Weidling» nov dad Urs Kohler © Sonja Baumann, Schaffhausen, 2008/Stadtarchiv Schaffhausen
  • Schubregiada cuminaivla d'in «Weidling», suenter ch'el è vegnì prendì or da l'aua l'atun © Sonja Baumann, Schaffhausen, 2007/Stadtarchiv Schaffhausen

Documents da video

«Weidlings» sin il Rain © Dieter Amsler, Schaffhausen 2011

Referenzas e dossier

Publicaziuns
  • Albert Spycher: Der Weidlingsbauer. Herstellung eines längsgedielten Flachboden-Plankenbootes in Mumpf AG (Altes Handwerk 57). Basel, 1988

  • Schweizerischer Pontonier-Sportverband (Ed.): Handhoch - kehrt! Geradeaus - marsch! 1001 Jahre Schweizerischer Pontonier-Fahrverein. Buchs, 1994

Dossier