«Bechtelistag Frauenfeld»


Sparta:
Praticas socialas
Chantun:

Descripziun

En la citad da Frauenfeld vegn festivà il terz glindesdi dal schaner il firà da Bumaun, il «Bechtelistag». Quest usit va enavos fin al temp medieval. Curt suenter la fundaziun da Frauenfeld la mesadad dal 13avel tschientaner èn sa scuntrads regularmain ils nobels ed ils burgais signurils en l'atgna ustaria per conversar e per sa divertir da cumpagnia. Els sa numnavan la Societad dals Constabels («Konstablergesellschaft»). L'onn 1430 èn er ils mastergnants s'unids ad ina societad che purtava il num «Zum wilden Mann» e che manava in'atgna ustaria. Questas duas societads han fusiunà l'onn 1640. Questa nova societad disponiva d'agens bains, concediva credits ed incassava tschains. Il cumenzament da l'onn sa scuntravan ses commembers per preschentar il quint e festegiavan cun in past cuminaivel e cun ina girunda. La tradiziun è vegnida cuntinuada a partir da l'onn 1811 cun in past cun salsiz, paun e vin ed è sa mantegnida fin al di dad oz. Quest past cumenza mintgamai precis las sis la saira en la chasa communala, la ceremonia ha lieu tenor reglas fixas e vegn accumpagnada da pleds festivs e da represchentaziuns musicalas. Suenter il past, vers las 23.00h, vegnan avertas las portas da la chasa communala per la glieud da mintga vegliadetgna e da mintga schlattaina che ha gust da far festa. Suenter mesanotg vegnan premiadas las meglras mascras da las persunas travestgidas. La gronda part dals restaurants da Frauenfeld resta averta la notg per che tuttas e tuts – oravant tut la giuventetgna – possian festegiar daried. Per bleras e per blers da Frauenfeld è questa notg numnadamain la notg da las notgs.

Gallaria d'illustraziuns

  • La «Bechtelisnacht» davant la chasa communala © Frauenfelderwoche, 2010
  • Figuras magicas e mascradas a la «Bechtelisnacht» © Frauenfelderwoche, 2009
  • Il past dals Constablers, enramà da l'Orchester da la citad da Frauenfeld © Richard Wagner, 2006
  • Il past dals Constablers © Richard Wagner, 2006
  • La vopna da la Societad dals Constabels © Bürgergemeinde Frauenfeld
  • Il program stampà da l'onn 1935 © Bürgergemeinde Frauenfeld
  • La «Bechtelisnacht» davant la chasa communala © Frauenfelderwoche, 2010
  • Figuras magicas e mascradas a la «Bechtelisnacht» © Frauenfelderwoche, 2009
  • Il past dals Constablers, enramà da l'Orchester da la citad da Frauenfeld © Richard Wagner, 2006
  • Il past dals Constablers © Richard Wagner, 2006
  • La vopna da la Societad dals Constabels © Bürgergemeinde Frauenfeld
  • Il program stampà da l'onn 1935 © Bürgergemeinde Frauenfeld

Referenzas e dossier

Publicaziuns
  • Albert Bärtsch: Feste und Bräuche im Thurgau. Frauenfeld, 2002

  • Bürgergemeinde Frauenfeld (Ed.): Die Bürgergemeinde Frauenfeld. Ihr Reglement, ihre Anstalten und Fondationen mit historischen Notizen 1991. Frauenfeld, 1991

  • Hans Brunschweiler: Grund zum Feiern! - Grund zum Feiern! In: Thurgauer Zeitung, 20. Januar 1986

  • Werner Hertrich: Am Bechtelistag chumi is Churzdorf abe. In: Thurgauer Zeitung, 16. Januar 2003

  • Angelus Hux: Die Konstablergesellschaft Frauenfeld. Ihre Geschichte, ihre Reglemente und Bräuche. Frauenfeld, 2010

  • Ernst Nägeli: Bechtelistag. Porträts prominenter Frauenfelder. Frauenfeld, 1976

  • Thurgauer Kantonalbank (Ed.): Thurgauer Bräuche. Weinfelden, 1977

Dossier