Trair la sort per las alps


Sparta:
Praticas socialas
Chantun:

Descripziun

En il chantun Sursilvania tutga ina gronda part dal terren che vegn duvrà per l'economia d'alp a las corporaziuns d'alp. Questas corporaziuns ch'èn plirs tschients onns veglias èn responsablas per administrar e per tgirar las pastgiras. Ellas decidan, tgi che dastga trair a niz tge surfatschas sut tge cundiziuns e quant ditg. En tschintg da set vischnancas (Giswil, Kerns, Lungern, Sachseln e Sarnen) vegnan las singulas alps surdadas cun trair la sort, sch'i dat dapli interessents che alps. A Kerns attribueschan per exempel otg differentas corporaziuns en total 4653 hectaras pastgiras che pon vegnir cultivadas tenor il dretg actual da las alps per 12 onns da la medema persuna. Il di ch'i vegn tratg la sort sa radunan ils commembers resp. ils burgais da las corporaziuns d'alp en ina gronda sala d'ina ustaria u en ina halla polivalenta. La moda e maniera, co ch'i vegn tratg la sort, variescha da vischnanca a vischnanca. A Lungern vegni tratg il dat, a Kerns vegni prendì las cullas ord ina panaglia. In culp u in tuc decida, sch'ins posseda pastgiras fritgaivlas u betg, ditg cun paucs pleds: davart las perspectivas economicas futuras da l'atgna puraria. Tar la tratga a Kerns l'onn 2008 è passa la mesadad dals aspirants restada senza dretg da las alps. Els èn pia stads sfurzads d'organisar insanua auter il provediment da lur muvel durant la stad – per exempel cun cumprar dretgs d'alpegiaziun sin alps estras.

Gallaria d'illustraziuns

  • Kerns, avrigl 2008: Las bistgettas per las corporaziuns d'alp vegnan maschadadas en ina panaglia © Niklaus Ettlin, Kerns, 2008
  • Kerns, avrigl 2008: Il salter da la corporaziun d'alp (a dretga) communitgescha il cuntegn da la bistgetta © Niklaus Ettlin, Kerns
  • Kerns, avrigl 2008: Cun dar il maun conferman il pastur (a sanestra) ed il salter il dretg d'alp © Niklaus Ettlin, Kerns
  • Kerns, avrigl 2008: Circa 100 purs candideschan per ina da las alps cooperativas © Niklaus Ettlin, Kerns
  • Kerns, avrigl 2008: Las bistgettas per las corporaziuns d'alp vegnan maschadadas en ina panaglia © Niklaus Ettlin, Kerns, 2008
  • Kerns, avrigl 2008: Il salter da la corporaziun d'alp (a dretga) communitgescha il cuntegn da la bistgetta © Niklaus Ettlin, Kerns
  • Kerns, avrigl 2008: Cun dar il maun conferman il pastur (a sanestra) ed il salter il dretg d'alp © Niklaus Ettlin, Kerns
  • Kerns, avrigl 2008: Circa 100 purs candideschan per ina da las alps cooperativas © Niklaus Ettlin, Kerns

Referenzas e dossier

Publicaziuns
  • Amt für Landwirtschaft und Umwelt des Kantons Obwalden (Ed.): Empfehlungen zur Vergabe von land- und alpwirtschaftlichen Flächen und Alpen durch öffentlich- und privatrechtliche Körperschaften im Kanton Obwalden. Sarnen, 2005

  • Monika Barth: Alpenverlosung weckt Emotionen. In: Neue Obwaldner Zeitung, 28. April 2008, p. 21

  • Karl Imfeld: Volksbräuche und Volkskultur in Obwalden. Kriens, 2006, p. 57-59

  • Arnold Niederer: Gemeinwerk im Wallis. Bäuerliche Gemeinschaftsarbeit in Vergangenheit und Gegenwart. Ed. Schweizerische Gesellschaft für Volkskunde, Basel, 1956

  • Roger Sablonier: Innerschweizer Gesellschaft im 14. Jahrhundert. Sozialstruktur und Wirtschaft. In: Innerschweiz und frühe Eidgenossenschaft. Jubiläumsschrift 700 Jahre Eidgenossenschaft. Band 2: Gesellschaft, Alltag, Geschichtsbild. Ed. Historischer Verein der Fünf Orte. Olten, 1990, p. 9-233

Dossier
  • Alpenverlosung

    Ausführliche Beschreibung Ultima modificaziun: 04.01.2013
    Dimensiun: 256 kb
    Tip: PDF