Köhlern – Far charvun en l'Entlebuch


Sparta:
Artisanat tradiziunal
  • Natira ed ambient
Chantun:

Descripziun

Laschar brasclar lain en ina charvunera: uschia fan ins charvun da lain. A Romoos, ina vischnanca rurala en l'Entlebuch lucernais, pratitgeschan ils ultims charvuners da la Svizra quest vegl mastergn sin basa professiunala sco gudogn accessoric. Far charvun ha ina tradiziun da blers tschientaners en il territori dal Napf. Perquai ch'ils guauds èn stads nunaccessibels durant in lung temp, n'han ins betg pudì nizzegiar la laina radunda ed uschia han ins cumenzà a producir charvun da lain. Mo en la vischnanca da Romoos èn cumprovadas passa 200 plazzas istoricas, nua ch'i vegniva fatg charvun. La pli blera lavur dovri per fabritgar e per preparar ina charvunera sut tschiel avert. Ina tala vegn fatga cun plunar laina da rument ad in mantun da circa quatter meters autezza e diesch meters ladezza. Suenter ch'ella è vegnida envidada, brascla la charvunera durant circa duas emnas d’in cuntin, survegliada permanentamain dal charvuner. La finala vegn il charvun tratg viadora cun blera forza e cun bler suaditsch. Uschia produceschan ils charvuners da Romoos circa 100 tonnas charvun per onn. Fin ils onns 1980 cumprava l'industria d'atschal lur product. Suenter che quests cumpraders èn sa retratgs, èn ils charvuners sa spezialisads sin il martgà da charvun per brassar liongias.

Gallaria d'illustraziuns

  • Endrizzar la charvunera ed il tumbin («Füllihus») amez la charvunera, 1980-2005 © Paul Duss, Romoos
  • Il giatter per terra è il fundament da la charvunera, en ses center è postà dretg si il «Füllibaum», 1980-2005 © Paul Duss, Romoos
  • In charvuner dat si la «Löschi» sin la charvunera, sin la part sura vesan ins la cuvrida da dascha, 1980-2005 © Paul Duss, Romoos
  • Vapur d'aua sorta da la charvunera ardenta, 1980-2005 © Paul Duss, Romoos
  • Il charvuner regulescha il process da carbonisaziun cun furar foras per l’aria, 1980-2005 © Paul Duss, Romoos
  • Mintga pèr uras nutrescha il charvuner la charvunera bittond charvun ardent en il «Füllihus», 1980-2005 © Paul Duss, Romoos
  • Fin a sis tonnas charvun per brassar liongias rabitschan ils charvuners or d'ina charvunera arsa, 1980-2005 © Paul Duss, Romoos
  • Transmissiun dal far charvun d'ina generaziun a l'autra: Il charvuner Anton Häfliger dal «Schnürhüsli» a Romoos, enturn 1895 © Paul Duss, Romoos
  • Josef Häfliger e Franz Koch, ils charvuners da Romoos, davant ina charvunera dal temp da la Segunda Guerra mundiala © Paul Duss, Romoos
  • Endrizzar la charvunera ed il tumbin («Füllihus») amez la charvunera, 1980-2005 © Paul Duss, Romoos
  • Il giatter per terra è il fundament da la charvunera, en ses center è postà dretg si il «Füllibaum», 1980-2005 © Paul Duss, Romoos
  • In charvuner dat si la «Löschi» sin la charvunera, sin la part sura vesan ins la cuvrida da dascha, 1980-2005 © Paul Duss, Romoos
  • Vapur d'aua sorta da la charvunera ardenta, 1980-2005 © Paul Duss, Romoos
  • Il charvuner regulescha il process da carbonisaziun cun furar foras per l’aria, 1980-2005 © Paul Duss, Romoos
  • Mintga pèr uras nutrescha il charvuner la charvunera bittond charvun ardent en il «Füllihus», 1980-2005 © Paul Duss, Romoos
  • Fin a sis tonnas charvun per brassar liongias rabitschan ils charvuners or d'ina charvunera arsa, 1980-2005 © Paul Duss, Romoos
  • Transmissiun dal far charvun d'ina generaziun a l'autra: Il charvuner Anton Häfliger dal «Schnürhüsli» a Romoos, enturn 1895 © Paul Duss, Romoos
  • Josef Häfliger e Franz Koch, ils charvuners da Romoos, davant ina charvunera dal temp da la Segunda Guerra mundiala © Paul Duss, Romoos

Referenzas e dossier

Publicaziuns
  • Michael Arnold: Die Meilerköhlerei in den Wäldern der Luzerner Napfgemeinde Romoos. Entwicklung einer fortswirtschaftlichen Nebennutzung im 19. und 20. Jahrhundert. Diplomarbeit am Geographischen Institut der Universität Zürich, 1982

  • Josef Duss: Holzköhlerei am Cholfirst. Ed. Schmiedezunft Eligius. Schlatt, 1978

  • Paul Duss: Holzköhlerei in Romoos. Romoos, 2008

  • Anne-Marie Dubler: Köhlerei. In: Historisches Lexikon der Schweiz. Bern, 2008 (www.hls-dhs-dss.ch/textes/d/D14031.php)

Dossier
  • Köhlern im Entlebuch

    Ausführliche Beschreibung Ultima modificaziun: 04.01.2013
    Dimensiun: 217 kb
    Tip: PDF