Processiun d'Ascensiun a Beromünster


Sparta:
Praticas socialas
Chantun:

Descripziun

Processiuns festivas sur champs e prada il di d'Ascensiun (40 dis suenter Pasca) eran fitg derasadas pli baud en ils territoris catolics. Sco las processiuns da Sontgilcrest han ellas survegnì lur tempra festiva caracteristica en il temp da la cuntrarefurma. En il temp baroc èn ellas savens anc daventadas pli pumpusas. Oz datti en Svizra mo pli en il chantun Lucerna la tradiziun da la processiun d'Ascensiun («Uffert») en furma d'in usit religius. En sis lieus vegnan organisadas grondas processiuns che vegnan pratitgadas dals participants activs tut tenor lur funcziun en l'usit a pe u a chaval. L'occurrenza la pli gronda, la pli veglia e la pli renumada da quest gener è la processiun d'Ascensiun da Beromünster. Var 2'000 persunas sa mettan en viadi mintg‘onn per il traject da 18 kilometers lunghezza – ubain almain per singulas etappas da quel – per viandar, meditar ed urar da cumpagnia e per retschaiver la benedicziun u per tadlar pregias da spirituals. La via maina da Beromünster sin ina ruta fixada e da princip medema dapi tschientaners en las fracziuns ed en ils vitgs vischins. Suenter 8 uras e mez returna la processiun puspè al lieu da partenza. Là spetgan fin 8'000 persunas. Ensemen cun ils pelegrins vegn plaunsieu terminada la festa.

Gallaria d'illustraziuns

  • Chommle (al sid da Rickenbach), 2009: ina gruppa da pelegrins chamina cun la musica da chavallaria © Regula Muff, Gunzwil
  • Seeblen sper Gunzwil, 2011: portacruschs, bandierelas e portalaternas a la testa da la processiun a chaval © Regula Muff, Gunzwil
  • Seeblen sper Gunzwil, 2011: la musica da chavallaria da Gunzwil suna durant la processiun © Regula Muff, Gunzwil
  • Seeblen sper Gunzwil, 2011: fermada a l'artg da triumf per laschar benedir ils chavals © Regula Muff, Gunzwil
  • Carta postala colurada da l'arrivada a Beromünster il suentermezdi, enturn l’onn 1910 © Pius Muff, Gunzwil
  • Vitg da Beromünster, 2008: ils chavaltgaders arrivan tras l'artg da triumf © Regula Muff, Gunzwil
  • Beromünster, 2008: cun la monstranza al pèz chavaltgescha il plevon Otmar Scherrer sut il baldachin © Regula Muff, Gunzwil
  • Chommle (al sid da Rickenbach), 2009: ina gruppa da pelegrins chamina cun la musica da chavallaria © Regula Muff, Gunzwil
  • Seeblen sper Gunzwil, 2011: portacruschs, bandierelas e portalaternas a la testa da la processiun a chaval © Regula Muff, Gunzwil
  • Seeblen sper Gunzwil, 2011: la musica da chavallaria da Gunzwil suna durant la processiun © Regula Muff, Gunzwil
  • Seeblen sper Gunzwil, 2011: fermada a l'artg da triumf per laschar benedir ils chavals © Regula Muff, Gunzwil
  • Carta postala colurada da l'arrivada a Beromünster il suentermezdi, enturn l’onn 1910 © Pius Muff, Gunzwil
  • Vitg da Beromünster, 2008: ils chavaltgaders arrivan tras l'artg da triumf © Regula Muff, Gunzwil
  • Beromünster, 2008: cun la monstranza al pèz chavaltgescha il plevon Otmar Scherrer sut il baldachin © Regula Muff, Gunzwil

Referenzas e dossier

Publicaziuns
  • Ursula Brunner, Andreas Capella: Auffahrtsumritt Beromünster (Film). Luzern, 2005

  • Helene Büchler-Mattmann (Ed.): Uffert. 500 Jahre Auffahrtsumritt Beromünster. Beromünster, 2009

  • Alfred Schaller-Donauer: Der Auffahrtsumritt in Sempach. In: Schweizerisches Archiv für Volkskunde 17. Basel, 1913, p. 245-247

  • Ludwig Suter-Brun: Der Auffahrtsumritt Beromünster. In: Volksfrömmigkeit in der Schweiz. Ed. Ernst Halter, Dominik Wunderlin, Giorgio von Arb. Zürich, 1999, p. 454-463

Dossier