Tir champester


Descripziun

Mintg’onn porscha il tir champester en numerusas vischnancas svizras ina bella occasiun per gronds inscunters da tiraduras e tiradurs svizzers ed esters, dad amaturs da schluppets e buis e da persunas interessadas. Durant ina fin d’emna datti ina concurrenza schluppettond sin schibas en distanza da 300, 50 u 25 meters. Tschertas schibas èn destinadas als tregants da schluppets, las autras a distanza pli curta, al tir da pistola. Mintga giada vegnan sajettads 18 culps en seria.

La Festa federala da tir da l’onn 2012 è stada cun passa 128 000 participantas e participants la pli gronda occurrenza sportiva en Svizra e perfin la pli gronda festa organisada da tir dal mund. Durant la segunda mesadad dal 19avel tschientaner è vegnì sviluppà or d’ina activitad oriundamain limitada al militar il tir champester sco activitad sportiva dal temp liber per sustegnair l’armada svizra e per garantir ils exercizis federals da tir. Il tir champester è daventà en Svizra ina activitad fitg populara e tipica che permetta a la generaziun pli veglia da mussar a la generaziun giuvna co ch’ins dovra las armas da tir. Dapi ch’il Cussegl federal ha abolì l’onn 1996 l’obligatori per tut las persunas che fan servetsch militar d’esser commembers en ina societad da tir, sa diminuescha il dumber da commembers da Federaziun svizra da tir.

Gallaria d'illustraziuns

  • Igl è tipic per il tir champester ch’ina persuna rutinada gida als tregants pli giuvens © SIS (Marcel Brumann)
  • Il tregant controlla ils culps sin la schiba © SIS
  • Il tregant da pistola Otto Brunschweiler da Rickenbach TG è superbi d’avair gudagnà cun 87 onns per la 70avla giada in cranz a la Festa federala da tir © SIS (Friedrich Kugler)
  • Festa federala da tir davant la culissa dal Belpberg © SIS (Cornelia Lüthi)
  • Grazia als egliers spezials tutgan ins anc meglier. © SIS (Roger Müller)
  • Tut è sut controlla al tir champester © SIS (Marzio Giussani)
  • En il chantun Friburg vegn installà en mintga circul ina chasa da tir aposta per il tir champester. Qua a Ried en il Seebezirk. © SIS (Emil Aeby)
  • En la Svizra centrala è il cult divin al liber cun las bandieras da las societads anc adina in element impurtant dal tir champester. © SIS (Franz Odermatt)
  • In cranz da l’onn 1935. © Schweizer Schützenmuseum Bern (Cornelia Weber)
  • La medaglia d’aur per il victur dal tir champester dal 1944 (300m schluppet) e dal 1948 (50m pistola) © Schweizer Schützenmuseum Bern (Cornelia Weber)
  • La nova seria da las medaglias dal tir champester (bronz, argient, aur), introducida l’onn 1974 © Schweizer Schützenmuseum Bern (Cornelia Weber)
  • Detagl dal pocal Davis © Schweizer Schützenmuseum Bern (Cornelia Weber)
  • Igl è tipic per il tir champester ch’ina persuna rutinada gida als tregants pli giuvens © SIS (Marcel Brumann)
  • Il tregant controlla ils culps sin la schiba © SIS
  • Il tregant da pistola Otto Brunschweiler da Rickenbach TG è superbi d’avair gudagnà cun 87 onns per la 70avla giada in cranz a la Festa federala da tir © SIS (Friedrich Kugler)
  • Festa federala da tir davant la culissa dal Belpberg © SIS (Cornelia Lüthi)
  • Grazia als egliers spezials tutgan ins anc meglier. © SIS (Roger Müller)
  • Tut è sut controlla al tir champester © SIS (Marzio Giussani)
  • En il chantun Friburg vegn installà en mintga circul ina chasa da tir aposta per il tir champester. Qua a Ried en il Seebezirk. © SIS (Emil Aeby)
  • En la Svizra centrala è il cult divin al liber cun las bandieras da las societads anc adina in element impurtant dal tir champester. © SIS (Franz Odermatt)
  • In cranz da l’onn 1935. © Schweizer Schützenmuseum Bern (Cornelia Weber)
  • La medaglia d’aur per il victur dal tir champester dal 1944 (300m schluppet) e dal 1948 (50m pistola) © Schweizer Schützenmuseum Bern (Cornelia Weber)
  • La nova seria da las medaglias dal tir champester (bronz, argient, aur), introducida l’onn 1974 © Schweizer Schützenmuseum Bern (Cornelia Weber)
  • Detagl dal pocal Davis © Schweizer Schützenmuseum Bern (Cornelia Weber)

Referenzas e dossier

Dossier