Cultura da consens e democrazia directa


Descripziun

La convivenza da la societad ed il funcziunament da las instituziuns politicas fissan impensablas en Svizra senza la cultura da consens. Davart tut las dumondas da l’avegnir e las midadas en il pajais na duain betg pudair decider e discutar mo las maioritads, mabain er las minoritads. Mintgina e mintgin dastga dar sia opiniun. Per arrivar a decisiuns politicas dovri perquai savens discurs preliminars, rundas da barat, consultaziuns, debattas parlamentaras e las pussaivladads democraticas da cundecisiun. Perfin la regenza è suttamessa a quest princip omnipreschent. Las commembras ed ils commembers da la regenza duain chattar soluziuns ch’èn il resultat d’in consens e che vegnan defendidas da tuts ensemen sco decisiuns dal gremi collegial. Il princip da la «concordanza» n’è dentant betg fixà explicitamain en la Constituziun federala e mintgatant sa perdan ils confederads er en dialogs cumbattivs pauc efficazis. La gronda impurtanza ch’ins attribuescha a la cultura da consens deriva er propi dal fatg, ch’i regna savens in dissens general en Svizra. L’egualitad dals commembers da la regenza, il dretg electoral tenor il princip da proporz, il federalissem che vegn numnà er «spiert chantunalist» ed er la diversitad linguistica, regiunala ed economica da la societad promovan ina multifariadad d’opiniuns e posiziuns. Quai po mintgatant bloccar il process da decisiuns, ma mintgatant pussibilitescha la cultura da consens er resultats unics ed incumparabels. In exempel per ina tala decisiun da consens è la «Glista da las tradiziuns vivas en Svizra».

Gallaria d'illustraziuns

  • Mintga mesemna u venderdi ha lieu la seduta dal Cussegl federal davos portas serradas © Chanzlia federala
  • Cussegl federal : local da sesidas © Chanzlia federala
  • Peter Vischer: La dieta da Baden dal 1531 (gravura dal 1793) © Museum naziunal svizzer
  • C. Studer: Il cumin dad Uster (litografia, 1830-1832) © Museum naziunal svizzer
  • La chauma generala dal 1918: In participant da la chauma vegn attatga da schuldads © Carl Kling-Jenny, Basel/Museum naziunal svizzer
  • Marcas per cumbatter per il dretg da votar da las dunnas, 1960 © Museum naziunal svizzer
  • La dumonda dal Giura: cumbat per in Giura liber, onns 1970 © Museum naziunal svizzer
  • La democrazia sa sviluppa: Dal 2011 discutan ins a Rapperswil-Jona davart l’installaziun d’in parlament da la citad© Willi Meissner/Die Südostschweiz
  • Mintga mesemna u venderdi ha lieu la seduta dal Cussegl federal davos portas serradas © Chanzlia federala
  • Cussegl federal : local da sesidas © Chanzlia federala
  • Peter Vischer: La dieta da Baden dal 1531 (gravura dal 1793) © Museum naziunal svizzer
  • C. Studer: Il cumin dad Uster (litografia, 1830-1832) © Museum naziunal svizzer
  • La chauma generala dal 1918: In participant da la chauma vegn attatga da schuldads © Carl Kling-Jenny, Basel/Museum naziunal svizzer
  • Marcas per cumbatter per il dretg da votar da las dunnas, 1960 © Museum naziunal svizzer
  • La dumonda dal Giura: cumbat per in Giura liber, onns 1970 © Museum naziunal svizzer
  • La democrazia sa sviluppa: Dal 2011 discutan ins a Rapperswil-Jona davart l’installaziun d’in parlament da la citad © Willi Meissner/Die Südostschweiz

Documents da video

Il cusseglier federal Alain Berset discurra ils 27 da favrer 2012 davart l’iniziativa «giuventetgna e musica» en il Cussegl dals chantuns

Referenzas e dossier

Publicaziuns
  • Jean-Stéphane Bron: Mais im Bundeshuus – Le génie hélvétique (DVD). 2003

  • Michael Hermann: Konkordanz in der Krise. Zürich, 2011

  • Ulrich Klöti et al.: Handbuch der Schweizer Politik. Zürich, 2002 (4. Auflage)

  • Georg Kreis: Schweizer Erinnerungsorte. Aus dem Speicher der Swissness. Zürich, 2010

  • Arend Lijphart: Thinking about democracy. Power sharing and majority rule in theory and practice. London, 2008

  • Thomas Maissen: Geschichte der Schweiz. Baden, 2010 (2. Auflage)

  • Iwan Rickenbacher: Hat die Konkordanz Zukunft? In: Neue Zürcher Zeitung, 28. Januar 2011

  • Schweizerisches Nationalmuseum (Ed.): Geschichte Schweiz. Katalog der Dauerausstellung im Landesmuseum Zürich. Zürich, 2009

  • Adrian Vatter: Schweizerische Konkordanz der zwei Geschwindigkeiten. In: Neue Zürcher Zeitung, 2. März 2011

Dossier