Banntag da Liestal


Sparta:
Praticas socialas
Chantun:

Descripziun

Al Banntag chaminan ils burgais per lung dals cunfins communals. A Liestal, en la chapitala dal chantun Basilea-Champagna, vegn questa occurrenza organisada da la vischnanca burgaisa. Il Banntag ha lieu il glindesdi avant Ascensiun e vegn festivà mo dad umens e d'uffants. Tut tenor il quartier d'abitar e tenor l'appartegnientscha famigliara èn ils burgais dividids en quatter gruppas (Rotten). Mintga gruppa suttastat ad in schef, ha in'atgna bandiera ed in'atgna musica e vegn accumpagnada da la gruppa d'uffants.

Il Banntag cumenza la damaun a las 06.00 cun il sajettar dals tiradurs dal Banntag en la Rathausstrasse. Lura convochescha il zain da la porta da la citad ils burgais da Liestal. A las 08.00 cumenzan las quatter gruppas a chaminar. En viadi sajettan ils tiradurs dal Banntag adina puspè en l'aria. Ensemen vegnan percurrids ils cunfins communals d'ina lunghezza da 26 kilometers. Tranteren datti duas pausas cun pleds e cun in appel, sco er ina u pliras fermadas en ustarias u en vischnancas vischinas. Vers saira returnan las gruppas a Liestal. Là van ins ensemen per las ustarias da la citad.

Gallaria d'illustraziuns

  • Sajettar per il Banntag (Liestal, 2016) © Bürgergemeinde Liestal
  • Ensemen vegnan percurrids ils cunfins communals (Liestal, 2016) © Bürgergemeinde Liestal
  • Il matg vi dal chapè dal Banntag consista tradiziunalmain da siringia alva e violetta, d'ina tulipana cotschna e d'ina melna sco er da panitscha da channa (Liestal, 2016) © Bürgergemeinde Liestal
  • Tar mintga crap da cunfin chatschan ils uffants da la gruppa d'uffants en in romin da feglia da fau, e mintga burgais che va sperasvia tutga curtamain il crap verdinà cun ses fist (Liestal, 2016) © Bürgergemeinde Liestal

Referenzas e dossier

Publicaziuns
  • Jürg Ewald und Lukas Ott (Ed.): Liestal – eine neue Heimatkunde. Liestal, 2004

  • Eduard Strübin: Baselbieter Volksleben. Basel, 1952

  • Dominik Wunderlin: Mann und Bann. Liestaler Grenzgänge – das Buch über den Liestaler Banntag. Liestal, 2005

Dossier
  • Liestaler Banntag

    Ausführliche Beschreibung Ultima modificaziun: 29.05.2018
    Dimensiun: 260 kb
    Tip: PDF