Sculpturas e figuras da naiv


Sparta:
Praticas socialas
Chantun:

Descripziun

Las concurrenzas da figuras da naiv, ch’èn danovamain vegnidas organisadas ils onns 1986 e 2015, existan dapi il cumenzament dal 20avel tschientaner. Sustegnidas vegnan ellas da la gasetta quotidiana «L’Impartial». Las concurrenzas dals envierns 1906-1907, 1914-1915 e 1933-1934 èn vegnidas documentadas e publitgadas en moda detagliada, entant che quest’activitad è daventada pli confidenziala suenter la guerra.

Las concurrenzas pon vegnir manadas tras oz grazia a l’associaziun «Imagineige» che cumpiglia trais commembers. Organisadas vegnan ellas en moda dal tuttafatg voluntara. En in’atmosfera da cumpagnia, da festa e da barat sa furman da tuttas sorts ovras, figurativas u betg. Las participantas ed ils participants èn numnadamain totalmain libers areguard il motiv. Las sulettas restricziuns: Igl è scumandà da lavurar tranter mesanotg e las 6.00 da la damaun sco er d’utilisar colurs, colurants u maschinas a motor. Sulet cun las atgnas stentas ston las participantas ed ils participants far resplender lur sculpturas construidas ord ils mantuns naiv che vegnan mess gratuitamain a disposiziun da la citad da La Chaux-de-Fonds.

La perioda da construcziun è terminada la dumengia da mezdi. Ina giuria va spassegiond tras la citad e valita las ovras. In premi, offert dals negoziants da la citad, vegn attribuì a mintga gruppa tenor differents criteris: integraziun en la cuntrada, difficultad tecnica, schelta dal motiv, impressiun generala, e.u.v.

Durant l’entira fin d’emna flaneschan numerusas abitantas e numerus abitants da la citad tras las vias da La Chaux-de-Fonds per visitar il differents plazzals e per admirar il svilup da las ovras. Quai creescha muments da barat privilegiads e fitg appreziads. Las figuras restan alura uschia sco ch’ellas èn fin che la natira las fa sparir cumplettamain.

Gallaria d'illustraziuns

  • Album Schönbucher, 1896-1910 © Musée d’histoire, La Chaux-de-Fonds
  • Stotzer, Fritz: Figuras da naiv: enviern 1906-1907 © Maison d’édition ; Imprimerie Courvoisier, 1907, Bibliothèque de la Ville de La Chaux-de-Fonds
  • Concurrenza dal favrer 1915, fotografia en nair ed alv © Musée d’histoire, La Chaux-de-Fonds
  • L’enviern a La Chaux-de-Fonds, monuments da naiv. La Chaux-de-Fonds: E. Sauser, [ca 1915] © Bibliothèque de la Ville de La Chaux-de-Fonds
  • Bodha, 1986, © Christiane Girardet, Musée d’histoire, La Chaux-de-Fonds
  • Sa tegnend al telefon, 1986 © Christiane Girardet, Musée d’histoire, La Chaux-de-Fonds
  • Il retg da la place du bois (La Chaux-de-Fonds, 2015) © Imagineige
  • Ve far tes um da naiv (La Chaux-de-Fonds, 2015) © Imagineige
  • Le Chat (La Chaux-de-Fonds, 2015) © Imagineige
  • Ura da giaglioffa (La Chaux-de-Fonds, 2017) © Imagineige
  • Lego gigantic (La Chaux-de-Fonds, 2015) © Imagineige
  • Maschina da passlung (La Chaux-de-Fonds, 2017) © Imagineige

Documents da video

90 secondes insolites : reportage sur l’édition de 2017 © Canal Alpha www.canalalpha.ch

Imagineige sous les flocons : reportage sur l’édition 2017 © BNJ.TV

Referenzas e dossier

Publicaziuns
  • Fritz Stotzer, Gottfried Moser (photos) : Souvenir d’un hiver rigoureux. La Chaux-de-Fonds, [1907]

  • Musée d’histoire de la Ville de La Chaux-de-Fonds : Fonds Constructions de neige, 1906-1986

  • Arcinfo : Requêtes : « chaufour », « construction neige », « sculpture neige », « monument neige », « Imagineige » (http://www.arcinfo.ch/, 16.01.2017)

  • Archives de L’Express et L’Impartial : Requêtes : « chaufour », « construction neige », « sculpture neige », « monument neige », « Imagineige » ; octobre 1738 – juin 2016
    (http://www.lexpressarchives.ch/Olive/APA/
    SwissSNP_Fr/default.aspx#panel=search, 16.01.2017)

  • Bibliothèque de la Ville de La Chaux-de-Fonds, Cabinet des arts graphiques : Fonds cartes postales (auteurs A. Schönbucher [circa 1896–1910], E. Perrochet [1906–1908], Houriet [1907], Schneider Frères [1907], Fritz Stotzer [1907], Armand Werner [1907], L. Wespy [circa 1907], E. Sauser [1915–1917], Perrochet et David [1915], Teco [1934], anonyme [1934])

  • Bibliothèque de la Ville de La Chaux-de-Fonds, Cabinet des arts graphiques : Fonds Fernand Perret, 1938, 1940, 1950

  • Bibliothèque de la Ville de La Chaux-de-Fonds : La Chaux-de- Fonds, 1896-1906. [Album de photographies de] A. Schönbucher

  • Bibliothèque de la Ville de La Chaux-de-Fonds : Fonds Charles Robert-Tissot [entre 1901 et 1905]

Dossier