Novena da Nadal a Morcote


Sparta:
Praticas socialas
Chantun:

Descripziun

En intgins vitgs dal chantun Tessin vegnan anc oz tutgads ils zains a maun durant la nove-na da Nadal. Pratitgà en moda tut speziala vegn quest ritual en il vitg da Morcote, a la riva dal Lai da Lugano. Qua daventa l’isanza dal tutgar zains cun il battagl (numnà biciocá) in mument da cumpagnia, grazia ad ina stanza cun in chamin, cun ina maisa e cun bancs da lain en il clutger. Da las 20.00 fin las 23.00 sa radunan ils voluntaris e lur amias ed amis enturn la maisa per mangiar en cuminanza. En roda van els sin il clutger per tutgar ils zains. Lur melodias èn simplas, ma festivas. Ellas vegnan transmessas a bucca grazia a las ins-trucziuns da persunas cun experientscha. L’eveniment è public e las visitadras ed ils visita-ders pli e pli numerus vegnan nà da differentas parts dal Tessin e da l’Italia vischina. Diesch fin sin il pli quindesch persunas sesan enturn il chamin u sin la stgala da lain che maina a la stiva dal zain. Usit èsi er che tut las persunas participantas portan insatge da mangiar u da baiver en cuminanza: ina buttiglia vin, luganighe u in toc chaschiel.

Gallaria d'illustraziuns

  • Per crear sequenzas ritmicas, tutga il zainader ils dus zains pli pitschens a maun cun metter en moviment lur battagls (Morcote, 2012) © Stefano Crivelli
  • Il zainader tutga ils dus zains pli pitschens a maun cun metter en moviment lur battagls (Morcote, 2012) © Stefano Crivelli
  • In zainader vid tutgar ils zains (Morcote, 2008) © Giovanna Ceccarelli
  • Cumpagnia a l’intern dal clutger da la baselgia Santa Maria del Sasso (Morcote, 2012) © Stefano Crivelli
  • Cumpagnia a l’intern dal clutger da la baselgia Santa Maria del Sasso (Morcote, 2012) © Stefano Crivelli
  • La baselgia Santa Maria del Sasso (Morcote 2012) © Stefano Crivelli
  • Cumpagnia a l’intern dal clutger da la baselgia Santa Maria del Sasso (Morcote, 2008) © Giovanna Ceccarelli
  • Cumpagnia a l’intern dal clutger da la baselgia Santa Maria del Sasso (Morcote, 2008) © Giovanna Ceccarelli
  • In zainader vid tutgar ils zains (Morcote, 2018) © Francesca Luisoni CDE
  • In zainader vid tutgar ils zains (Morcote, 2018) © Amanda Prada
  • Dus zainaders praparan luganighe a l’intern dal clutger da la baselgia Santa Maria del Sasso (Morcote, 2018) © Amanda Prada
  • Cumpagnia a l’intern dal clutger da la baselgia Santa Maria del Sasso (Morcote, 2018) © Amanda Prada

Referenzas e dossier

Publicaziuns
  • Dalmazio Ambrosini: A Morcote il Natale arriva sul «bicioccare» delle campane. In: Giornale del popolo, 22.12.2008

  • Dalmazio Ambrosini: La ricchezza della storia, la bellezza del presente. In: Giornale del popolo, 3.12.2008

  • Antonella Broggi: Campane a festa. In: Illustrazione ticinese, dicembre 2006, p. 38-43

  • Franco Lurà: Natale - estratto dal Vocabolario dei dialetti della Svizzera italiana. Bellinzona, 2016, p. 39-45

Dossier