Hom Strom


Sparta:
Praticas socialas
Chantun:

Descripziun

Il suentermezdi da l’emprima sonda da favrer sa scuntran las scolaras ed ils scolars pli vegls sin la plazza a Scuol Sot per far l’«Hom Strom» (um-strom). Els mettan ina stanga da telefon veglia da circa 8 meters lunghezza sin dus chavals da lain. Els fan duas cuas lungas e grossas da strom da seghel che vegn semnà aposta per quest intent e racoltà l’atun a maun. Quellas duas cuas vegnan fermadas a las duas fins da la stanga e plegadas spessamain enturn la stanga, fin che la zulla ha in diameter da var dus meters. L’Hom Strom vegn transportà cun in char fin a la plazza sin in prà ordaifer il vitg. Là mettan commembers dal cussegl da scola e dal cussegl communal l’um-strom cun agid da stgalas en ina fora preparada e lura en pe. Ussa sto el vegnir surveglià, per ch’ils mats dal vitg vischin n’envidian betg el anticipadamain.

La saira sa radunan la populaziun da Scuol cun ulteriurs giasts enturn l’Hom Strom, entant ch’ils scolars ils pli vegls sclereschan la cuntrada cun lur «bombas» (ballas da fieu) fatgas or da sdratschs bagnads en petroli. Punct a las 20.00 vegn l’um-strom envidà, e tuts chantan la chanzun da l’Hom Strom ch’il poet indigen Men Rauch ha cumponì per questa occurrenza.

Gallaria d'illustraziuns

  • Ils scolars ils pli giuvens portan natiers il strom da seghel (Scuol, ils 7-2-2017) © Dominik Täuber
  • Cun las monas vegnan fatgas cuas (Scuol, ils 4-2-2017) © Benedict Stecher
  • L'Hom Strom vegn construì sin la plazza dal vitg (Scuol, ils 7-2-2017) © Dominik Täuber
  • Il bischen serva a volver la stanga (Scuol, ils 4-2-2017) © Benedict Stecher
  • La stanga vegn plegada spessamain cun cuas (Scuol, ils 4-2-2017) © Benedict Stecher
  • L'um-strom è pront per il transport (Scuol) © Manuel Schmid, winterfeuer.ch
  • Cun agid da stgalas vegn l'Hom Strom mess en pe (Scuol) © Scoula Scuol
  • Las ballas da fieu sclereschan la cuntrada (Scuol, ils 6-2-2010) © Nicolo Bass, Posta Ladina
  • Las «bombas» vegnan smanadas tras l'aria (Scuol, ils 7-2-2015) © Dominik Täuber
  • Curt avant il grond mument (Scuol, ils 7-2-2015) © Dominik Täuber
  • Cuminaivlamain vegn chantada la chanzun da l'Hom Strom (Scuol, ils 7-2-2015) © Dominik Täuber
  • Suenter paucas minutas stat l'Hom Strom en flommas (Scuol) © Scoula Scuol
  • La chanzun da l'Hom Strom (Scuol) © Scoula Scuol

Documents da video

Hom Strom (7.2.2016) © RTR

Hom Strom, 2017 © Manuel Schmid (https://www.winterfeuer.ch/)

Referenzas e dossier

Publicaziuns
  • Domenic Feuerstein: Der «Hom strom» in Scuol. In: Heimatleben
    28/1, 1955, p. 16–19

  • Gudench Barblan: Sitten, Gebräuche und Volksfeste im Unterengadin. In: Schweizerisches Archiv für Volkskunde 19, 1915, p. 65–84

  • Balser Biert: Hom Strom in Scuol. In: Das Jahr der Schweiz in Fest und Brauch. Ed. Rolf Thalmann. Zürich, 1981

  • Paul Eugen Grimm: Scuol. St. Moritz, 2012

  • Fadrina Hofmann: Scuol feiert auch heute noch den Sonnengott. In: Südostschweiz, 9.2.2015

  • Gabriela Holderegger, Jano Felice Pajarola: Der Strohmann entgeht nie seinem Schicksal. In: Muntognas magicas. Chur, 2011

  • Cla Schur: Gelebtes Brauchrum: Der Hom strom in Scuol. In: Bündner Woche, 13.2.2013

  • Erich Schwabe: Feste und Traditionen in der Schweiz, Band 1. Neuenburg, 1984

  • Walter Schweizer: L'hom strom: ein alter Engadiner Brauch. In: Feierabendkalender 1968, p. 106–108

  • Schulkinder Scuol: Hom-Strom-Lied. Aufnahme von Radio Télévision Suisse Romande. In: Der klingende Jahreskreis (Compact Disc). Oberhofen am Thunersee (Zytglogge), 2013

Dossier
  • Hom Strom

    descripziun detagliada Ultima modificaziun: 29.05.2018
    Dimensiun: 463 kb
    Tip: PDF